2013年5月4日 星期六

Miele x Le Creuset 蒸爐開光の燉蛋


太高興~~太興奮~~
我終於為自己的夢想廚房踏前了一大步!
因為我斥巨資添置了這部價值5位數的Miele蒸爐!!!!!!

如果一直有看我的blog,應該知道我是一個極為節儉的人!
不過我也是一個對質素很有要求的人
這部萬元蒸爐,我可是看中了很久!!
礙於太貴,加上懶得整頓廚房空間,只能得個「恨」字!

自婚後,我就對各種各樣的家電(特別是廚房用品)很有興趣
蒸爐一直都是目標之一
最初當然只是留意幾百元那類蒸爐
但總覺得只能蒸一下點心,不免有些勞師動眾
原始方法不差很遠,所以一直沒有下定決心去買....

及至對廚房用具的品牌愈見認識
成為Le Creuset的用家後便深深體會到
工欲善其善,必先利其器的道理
Miele蒸爐的級數絕對是無人能及(想知有幾勁,自己google一下就知道)
要買蒸爐的話絕對不作他選!

不過畢竟要花5位數,我必定要說服自己如何值得買!
我是個在職媽媽,卻不願請工人
又不想麻煩長輩,偏偏又愛自己下廚,
所以在時間緊迫下,煮得有效率是我一個非常重要的考慮!
我家只有2個爐頭,一向都覺得不足夠
隨著囡囡漸長,每餐都想煮得多元化一點
加上囡囡開始要求我陪伴做功課,我可以用來煮食的時間愈來愈少!
如果有了Miele蒸爐,一次可以蒸幾味餸(Miele其一獨特之處就是食物味道不會互相影響)
變相爐頭增加了一樣,而且亦可節省很多時間
Miele蒸爐的價錢大約等於聘請工人的3個月人工
這樣看來我覺得抵喎!
加上蒸煮是一個健康烹調方式,
我覺得每天也用得上的話,這價錢其實也不算貴~~~

就此我就決定要擁有它...
至於什麼時候擁有就要等時機啦....
我深知不可能獲品牌垂青贈機試用的了...
唯有等減價或推廣優惠...
可是代理控制價格很嚴謹,價錢沒什麼折扣不特止還一直在加呢!
優惠也不太多,好像農曆年時的推廣是多送一些配件
不過因為不算很吸引我,最後還是沒有買

終於等到母親節推廣
我一見是Miele crossover Le Creuset已經瞳孔放大
再見是送4隻有翼心心盅更加是雙眼發光
不得了,我想這次是好時機了
更好的是到sogo買時發現sogo卡正進行抽獎回贈
雖然我只抽到最少的5%,但加上sogo卡本身的5%回贈
我也省了近千元呀,算是很大的折扣呢!!!!

可能實在太渴望擁有
花了5位數的我竟沒有想像中的肉赤,罕見呀,哈哈~~~

等了一星期,終於等到今天送貨啦~~~
特地執好這一角來放Miele蒸爐!

位置當然綽綽有餘
只是蒸爐開門的角度有點問題
結果我決定和焗爐位置對調....

Perfect~~~~
不少得要和這4隻會飛的心心盅來輯寫真啦~

不是贈送的話,我肯定不捨得自己買入這4隻心心焗盅....

洗好機了
我急不及待想試試這部身價不菲的蒸爐.....

簡簡單單來個燉蛋吧!
其實我很久沒做燉蛋了
一來不好甜品
二來覺得開火蒸燉蛋很麻煩
現在不會啦,只蒸一人份也易如反掌!

1份雞蛋+2份牛奶+2茶匙砂糖(我想冰糖會比較好,而且2茶匙不太夠甜,下次要加多些)

用90度先蒸4分鐘(溫度控制絕對是Miele蒸爐的獨有技術)
可是仍然未凝固
所以我再來多次90度蒸4分鐘
這次出爐成功了!

我懶沒有過濾蛋液
但仍然非常滑口呢!!!
今年的母親節禮物實在太正啦!!!!!

10 則留言:

  1. hehe, 你都買左, 真係要多用 先抵呀
    [版主回覆05/08/2013 00:07:42]一定啦,我真係諗得好清楚先買架!
    你就分享多d miele食譜等我可以整多d啦,哈哈~

    回覆刪除
  2. 嘩! 我都好like依部蒸爐傢, 真係羨慕C我了!!!
    我要等小朋友們都上了小學,不用工人才可以買呢! 我都係睇中佢可以同時蒸煮幾樣餸既功能呀! 好啱要煮飯要快靚正既媽媽呀!
    [版主回覆05/08/2013 00:09:26]我都羨慕左人地好耐架啦,終於唔使再羨慕人....
    等埋弟弟上小學都仲有一段時間喎,我怕到時又加左價,哈哈~

    回覆刪除
  3. 正.. 個offer完左未呀??
    [版主回覆05/09/2013 22:37:45]仲有,我想話miele可以消毒埋奶樽架!
    [版主回覆05/09/2013 22:22:05]offer係4月26日開始既,4個LC心心盅送完即止,我諗應該仲有既~
    sogo卡優惠去到5月尾,不過要星期五六日先有額外回贈抽獎!

    回覆刪除
  4. 睇完你前後2篇blog, 有d 心思思. 但好貴.
    請問佢size 係咪同微波爐差唔多.
    同埋你說同一時間可以蒸幾款送, 但有d送可能蒸耐d , 有d不用太耐, 係咪都可以一齊蒸 ??
    [小雞媽回覆05/12/2013 00:41:23]Thank you. 等我有時間再了解佢先
    [版主回覆05/10/2013 10:09:13]咁貴,係要慢慢諗下....特別係蒸爐岩唔岩你平日既煮食習慣,真係要確定常用買黎先化算呀!
    我建議你得閒去Miele專櫃睇下,有時佢會有示範,上小學仲有成年,有時間睇定d諗清楚!
    so far我用左就黎一星期都幾滿意,易用,清潔亦簡單,我真係好推介架!
    [小雞媽回覆05/10/2013 01:33:32]明白晒... 真的好正. 我都係煩緊升小一後又要返工又要煮又要溫書...攪得來都唔洗訓呢個問題. 如果有呢個爐真的好方便. 等我再諗諗先. THX
    [版主回覆05/09/2013 22:36:14]係呀,我都心思思左好耐,因為單一件產品黎睇要成5位數真係好貴,我真係考慮得好清楚先買架!
    size同普通微波爐大d,但如果同多功能微波爐黎講應該差唔多...
    你既問題係無問題架,我舉個例你就明,例如想同時煮飯+魚+菜,先放入米(蒸20分鐘),到10分鐘時就放入魚,再到5分鐘時就放入菜,最後飯+魚+菜都可以同時熱辣辣出爐!Miele蒸爐可以係進行蒸煮中途隨時打開放入其他菜式,關門後會等爐溫升番去指定溫度先繼續計時,非常人功智能架!
    當然如果唔係用同一個溫度蒸就要分開整啦~~

    回覆刪除
  5. 成萬銀真係好貴.不過,你鐘意煮野食,貴D都無所謂,何況咁好用,算抵架啦
    [版主回覆06/07/2013 23:18:49]如果唔係咁貴,我買左好耐啦,哈哈~

    回覆刪除
  6. 價錢真係好貴,但對放了工又要趕返屋企的姊妹,呢部miele 蒸爐簡直無得頂,仲要同 Le Creuset crossover 我都忍唔到上星期買左返屋企
    [版主回覆06/07/2013 23:19:39]無錯,對忙碌又想煮飯既我地真係好幫得手!

    回覆刪除
  7. 哈哈,你都買左,恭喜恭喜.而家買有LC送好抵呀~
    [版主回覆06/07/2013 23:20:15]見到有LC送當然立即行動啦~

    回覆刪除
  8. 我都敗咗吖!好正!
    不過4個飛心欠貨、待送…
    [版主回覆06/07/2013 23:20:48]送左黎未呀?

    回覆刪除
  9. 個架就唔就到重架??

    咁即係幾錢? 其實7年前我已經好想買, 當時唔使5 位數字, 不過太"r" 訂...加上得我兩個人用, 未嫁前已經好想買, 唸住一個爐攪掂, 但我個kitchen 太細了。

    送LC 就可有可冇, 因為lc 依家d "質地"比以前差了很多。
    [版主回覆06/07/2013 23:22:22]其實部機又唔係話好重,我自己都拎得起既,所以個架都OK既~
    折完萬一...

    回覆刪除
  10. 我都買左,但飛心無貨,要等
    [版主回覆06/07/2013 23:23:02]你記住分享多D食譜喎~

    回覆刪除