ジャムおじさんのパン工場-->其實即係麵包超人博物館入面既麵包店!
有名你叫「麵包超人」,呢度既麵包又點可以錯過!
麵包工場有兩層,地下好似一般麵包店賣麵包,樓上就係cafe,可以坐低食野...不過應該都以麵包做主食(我無上去,唔知有無意粉之類呢?)
不過最重要就係呢度既麵包非常可愛,很多不同的造形,全都是麵包超人內的卡通人物,真係見到即刻嘩嘩聲!又靚又可愛既麵包真係唔捨得食左佢呀!
最後我地離開之前都忍唔住買左2個麵包,一個就係下圖150yen既薯仔公仔包,入面就係薯蓉餡,非常好味呢!另外當然要買主角麵包超人造形既包包,唔知係咪因為主角關係賣貴d,要300yen一個...佢就係豆沙餡,即係甜包...其實味道都唔錯,但係我個人不太好甜包的,所以我都係推介薯仔包,真係好想再食呀!
最搞笑係老公俾錢時,唔知係咪到左某個特別時間...麵包店內所有職員都停晒手,無論係收緊錢既姐姐,或是在廚房整緊麵包既司傅(可以睇到廚房情況架,因為只係隔左塊玻璃)...竟然一齊係度唱麵包超人卡通片既主題曲(當然係唱日文啦)...仲要一邊唱一邊做動作,非常搞笑....我同老公都覺得好好笑,囡囡就相當欣賞,一直望住唱緊歌仔既姐姐哥哥甜笑,唔知係咪覺得好好聽呢?
我都係第一次係麵包店聽真人表現唱兒歌,日本人主理既店真係特別唔同,好可愛呀!
如果我有機會去，一定要試下你推介o既薯仔包。
回覆刪除另外我想問你有無帶熱水壺上機呀? 定一話叫空姐幫手開奶呢?
雖然半夜小王子平時唔洗食奶，但唔知上到機咩情況，都係準備o左先穩陣d!
[版主回覆12/29/2009 13:35:00]我有帶上機,不過係無水係入面既....
我有叫空姐俾水我地,但係都只係俾凍水咋...好在Abby有包食就ok,唔使一定飲奶...
我都成日整包包架~
回覆刪除因為我覺得會好開心架.
兩個人一齊整包包.
[版主回覆12/29/2009 13:59:00]我就好懶整包包...呢度其實都有體驗班俾小朋友學整麵包架,不過當然係講日文啦!
嘩！D麵包好靚，好可愛呀！
回覆刪除D店員突然停o西手，o係o度一齊唱歌，真係幾好笑喎！有無拍片呀！
[版主回覆12/31/2009 01:18:00]無拍片呀...因為有d意外,掛住睇都唔記得拍低佢~