Mokiko炒麵麵包@佐敦

旅行回來後就是聖誕佳節,加上每次旅行後都患上的下廚懶惰症侯群,令我已經個多天沒有正正經經煮過一餐飯...這天本來有考慮放工後去買餸的,不知怎的放工時給我看到這個炒麵麵包的資料,見到原來佐敦開了間分店,又想起早前老公好像有聽起過想試...結果下車後就去看看,最後就買了回家當晚餐了!

這間店叫Mokiko炒麵麵包店,是台式口味的日式食品,只供外賣,不設堂食...麵包和麵條都是老公愛吃的東西,怪不得早前他有向我提起了!我見價錢不算貴,而且新張期加飲品一律只是$5,就買來試試看吧!

這款是夏威夷燻雞($16),另加珍珠奶茶($5)...由於我打算回家後再自行加芝士烘焗,所以當店員問我加不加芝士焗時,我便拒絕了,因為這要另加$4的!

相中左手邊是未經我加工的,右手邊就是自行加了芝士烘焗...熱辣辣出爐,比係街食好味好多...我覺得d雞肉同個包都算唔錯,但係d麵就唔係好得,太淋啦,初初仲唔係好食到有炒麵係度添...至於珍珠奶茶,我覺得ok啦,無咩特別....

另一個就係佢地既推介 - 日式和風,即係大板醬配柳梅豬肉,不過職員錯手落埋芝士比我,即係免費幫我個包升級,多謝晒....不過回家後我還是要再烘焗一下,熱d又脆d,真係好味好多架...飲品則要了金桔檸檬,老公話幾好飲喎~

個包份量都ok,算可以飽到肚啦...$16一個都可以接受~