這不是2010年親自下廚的第一餐,因為元旦日後已經煮過2次飯,但都是極為平淡又常煮的家常菜,所以沒有特別紀錄....不過今天是我第一次煮Sukiyaki(即日式火鍋壽喜燒),而且非常成功,所以一定要記下來!
這天的氣溫又下跌至13度了,所以老公說想吃火鍋之類的東西做晚餐...但是我覺得打邊爐已經有點悶,所以想到日式火鍋中的壽喜燒,即是湯底甜甜的sukiyaki!我想過買那些日式sukiyaki湯包,但是又覺得三十多元有點貴...想起之前看到自制sukiyaki湯底方程式,所以便決定DIY,原來也不太難呢!
Sukiyaki湯底 = 木魚湯 + 清酒 + 味醂 + 日本豉油 (比例為 4:1:1:1),另加3湯匙日本上白糖
不過我家只有味醂,所以最後我的Sukiyaki湯底 = 雞湯 + 米酒 + 味醂 + 生抽 (比例為4:0.5:1:0.5),另加3湯匙砂糖及少量木魚碎....建議自行試味再作調較至合自己口味...我對自己改良的湯底很滿意,好似係日本食既sukiyaki架!老公一吃即時說有酒味呢,想不到他的味覺又幾靈敏!如果用壽喜燒專用的平底淺鍋,應該更有風味...不過用LC心形煲效果也很好!
材料就在ThreeSixty買的(因為我在巴士睡過了頭,唯有在總站下車):
雜菜包(原價$24,特價$12)
美國雪花肥牛(原價$82,特價$41):真係靚料呀,老公一食就話特別好味呢~
火鍋豬肉片($7.4):因為驚肥牛唔夠(雖然貴但係份量唔多),補少少豬肉片~
粉絲($3.5):粉絲吸收了湯底的味道,真的是超美味啊!這個食材一定要準備,真的很好吃!
另外就煮多味菜圃煎蛋(成本約$5),今日煎得好靚呀,我好滿意呢!美味又飽肚,而且食完暖笠笠,仲可以留兩個飯盒添!總成本也不過七十元!
賣相都好靚啊~ 見到都想食 .
回覆刪除你真係叻 , 成日都可以煮到甘好味的晚餐.且成日都可以買到特價野~
[版主回覆01/07/2010 12:04:00]其實我都失敗過好多,係間唔中煮得好味架咋...特價野就係見到一定買,所以你覺得我成日買到lor,哈哈~
我好鍾意個心心煲，好靚呀............!!
回覆刪除[版主回覆01/07/2010 12:02:00]真係買得過呀...下次再有記住去買啦~
你好~ 我都係吳家人呀, 嘻嘻 我今晚都準備做sukiyaki (第一次咋!!), 又係因為唔想打邊爐(過兩日又打), 你用心心LC賣相好靚呢~~ 不過無你咁叻自制湯底, 我唸住去買支sukiyaki汁算喇 (都成四十蚊支架)
回覆刪除[版主回覆01/07/2010 12:02:00]你好呀...
如果唔想煩,現成湯包係最方便既,不過我就覺得貴左d啦...其實diy都唔係好難,有機會可以試下~
漏了, 可否做個blog友呢??
回覆刪除[版主回覆01/07/2010 12:01:00]ok,added~
你又一傑作woo
回覆刪除[版主回覆01/07/2010 12:32:00]今次呢個我真係好滿意!
個樣好得手呀, 不過我對甜湯底感覺一般, 還是愛咸味多d
回覆刪除[版主回覆01/07/2010 12:56:00]你有無食過sukiyaki呀?
呢個真係好好味架,有機會煮俾你試下,你應該都會鐘意...因為我都係好鹹多過甜既,但係呢個我都好鐘意食~
sukiyaki汁好味呢..我屋企有支sukiyaki汁, 有時會用黎煮送, 不過未試過整湯底, 有機會又試下先...冬天食呢味好暖笠笠咁呢~
回覆刪除[版主回覆01/07/2010 23:27:00]真係推介呀,呢幾日凍可以試下呀~
做媽媽真的很累, 在巴士訓過龍, 你要小心身子呀, 唔好冷親
回覆刪除[版主回覆01/07/2010 23:26:00]係呀,不時都係巴士上瞓覺架,哈哈~
見到都流口水呀~~~
回覆刪除[版主回覆01/07/2010 23:26:00]咁你試下煮啦,真係好正架~
既然你都係愛咸人, 但都覺得呢個好味, 好啦, 我對你呢個菜單加分啦, 我有食過sukiyaki架, 不過果種味道令我唔係好自然咁啦 haha
回覆刪除[版主回覆01/07/2010 23:26:00]可能你真係唔係咁鐘意甜湯底啦~
吳生條脷好厲害喎！
回覆刪除雖然我未食過，但個樣排得好靚，有心思......讚！
[版主回覆01/08/2010 22:44:00]係呀,有時都估唔到佢食得出有咩材料~
我上星期都買左支現成汁做sukiyaki, 正!! 支汁用唔晒, 尋晚仲用來煮肉, 送飯一流~~
回覆刪除[版主回覆01/11/2010 23:42:00]呢排咁凍,真係好岩食呢d野...心思思又想煮添,哈哈~