其實還有很多篇blog要追,不只是遊記,還有很多電影感想還沒有寫呢!這篇不如寫下囡囡上了幼苗組後,姑娘給囡囡的感想!(其實旅行回來後已經想寫的了!)
我常常都描寫囡囡幾咁大食同為食,其實我真的一點也沒有誇張!大家看看嬰園姑娘也忍不住寫了以下的評語：
「Abby喜歡吃第一,每次見到食物會雙眼發光!」
哎,真係服左囡囡啦....她不論身在何方,只要見到食物就會即時雙眼發光,姑娘真的形容得很貼切!而且在吃的方面特別心急,見到就要立即吃,就正如姑娘說要吃第一一樣...其實我覺得這樣不太好,但不知如何令她學會等一下,大家有好方法提議嗎?
幼苗組比荳芽組不同的地方是大肌肉時間可以去活動室玩遊戲,所以多了以下的評語：
「Abby很喜歡在玩房中玩波波,有時會一次拿兩個呢！」
看來囡囡在嬰園的生活真的很快樂!
HAHA, abby媽媽煮食咁叻, 囡囡為食都無所謂啦~
回覆刪除[版主回覆01/15/2010 14:05:00]為食當然無問題,只係我唔想佢咁心急~
我覺得佢地衣個年紀都好為食呀...
回覆刪除[版主回覆01/15/2010 14:05:00]係呀,大部份都好為食~
耐性訓練, 我都學緊, 老師教俾之前要求小朋友講唔該, 同埋數10聲就會俾, 等佢知道搶都無用
回覆刪除[版主回覆01/15/2010 14:06:00]但係abby未識講野呀,所以佢會係咁大叫lor~
噤你唔使擔心囉
回覆刪除[版主回覆01/15/2010 14:06:00]食方面,我一向都唔使點擔心~
我都同意Kitty 所講 "Abby媽媽煮食咁叻, 囡囡為食都無所謂啦"
回覆刪除[版主回覆01/15/2010 14:07:00]abby為食我都好開心架,但係我唔想佢咁心急,食遲d都唔得lor~
晴晴都係好為食架, 為色程度同 abby 有得揮... 其實我覺得bb 為食係好架, 起碼佢肯食野, 我地做媽媽擔心小一樣野
回覆刪除[版主回覆01/15/2010 14:07:00]係呀,為食真係唔錯架,但係我唔想abby咁心急,係都要第一時間食~
我兩個女都係好為食，放乜嘢入佢哋個口，都鍾意食，俾遲啲都抗議。
回覆刪除[版主回覆01/15/2010 14:08:00]咁你覺唔覺食得太心急唔係咁好?
joey咁大唔會食得咁心急架啦,係咪?
Jobi都係一見到食物就想即刻食，會叫，餵遲啲都會俾佢鬧我。
回覆刪除至於Joey，佢見到鍾意食既野，都仲係好心急o架！想第一時間食落肚。不過因為佢而家大個，懂事，可以叫佢等一等，慢慢嚟。
食嘢心急都唔係太大問題，最緊要佢哋肯食！哈哈～～～
[版主回覆01/15/2010 15:23:00]既然係咁,我再睇定d先...我最驚咁樣會令abby變得好霸道,好在暫時都係食既時間先係咁~
雙眼發光又真係第一次見喎!如果要abby等只好唔好俾她見到有野食咋喎!再唔係就殘忍地等她哭,俾晒其她小朋友仔食左先,喊多幾次,她等她知道要等先有得食,就算喊都唔會有優先權,但呢樣都好殘忍,可能會傷害到小小心靈. 現在abby年紀還小,還未學懂禮讓,又想食,所以先想第一,大大下她識得要等的了,不用太過擔心啊
回覆刪除[版主回覆01/19/2010 13:02:00]係呀,希望佢大d唔好咁心急啦~