雖然我很少買玩具給囡囡,但其實我一直也留意著有關煮飯仔的玩具,特別是想買一座的廚房!但是一座那些廚房玩具價錢並不便宜,加上我看中了日本mother garden的木制廚房,可是香港沒有mother garden產品發售(有也是極貴的!),所以遲遲還沒有行動...
今天午飯時間去了megabox閒逛,終於忍不住買了一套煮飯仔配件玩具...最好的地方是有膠籃盛載著,容易收拾!而且價錢也不算貴,只是$55!就買給囡囡玩一下啦!(另外也買了一盒磁石英文字母,$18)
今晚又是我們兩母女之夜,因為吳爸爸今晚有部門聚餐...囡囡對新玩具當然有極強新鮮感,所以可以獨自一個玩了一段長時間(應該有半小時以上)...我可以安心的在廚房煮東西吃,是晚我弄了煙肉忌廉黑松露菌醬意粉,好味道!
吃完東西我和囡囡又一起玩了一會,之後便讓她自己一個玩,而我就去洗碗碟....完成家務後也是囡囡的睡覺時間,但囡囡竟然未玩夠,雖然聽我的指示把玩具收拾好,但放好後又要拿出來玩...幸好她其實也真的累了,所以少哭了一會也跟我入房睡覺了,9時左右睡著了,還好!
吓, 唔係嘛, 女女現在識得自己收拾玩具啦咩, 佢唔係bb咩, 咁勁咖
回覆刪除[版主回覆01/15/2010 22:22:00]識架啦,佢識聽指示會收好野,咁當然有時都要陪佢一齊收~
而家玩住玩具煮飯仔先，遲下你可以同囡囡一齊玩真的煮飯仔！
回覆刪除[版主回覆01/15/2010 22:21:00]係呀,我都打算等abby大d同佢一齊整野食,哈哈~
abby, 下次 curtis 帶埋佢的煮飯仔來一齊玩, 好唔好?
回覆刪除[版主回覆01/19/2010 12:57:00]梗係好!
ABBY的煮飯仔好得意呀!唔怪得她玩到唔捨得覺覺豬仔.不過,她都好乖肯聽媽媽話收好玩具,乖女
回覆刪除[版主回覆01/19/2010 12:57:00]已經買左一星期,abby都仲係超鐘意玩...一返屋企就即刻去拎黎玩呢~
我買左一套mother garden了
回覆刪除[版主回覆01/19/2010 12:56:00]你買左邊套呀?
煮飯仔玩具好得意呢, 我都想等孖b大個d時買比佢地玩呢~ 個意粉好正呢~
回覆刪除[版主回覆01/19/2010 23:14:00]我其實都算遲買架啦,我諗你都可以睇定買俾孖b玩~
我勁鍾意mother garden o的kitchen set, 可惜屋企太細, 冇可能放得落, 如果唔係我一定忍唔到要郵購呀!
回覆刪除[版主回覆01/21/2010 12:40:00]咁唔買一座既廚房都可以買mother garden個d食物喎,好似蛋糕系列個d,都好靚呀~
套煮饭玩具都好得意啊～我成日都想買比知晉，不過爸爸就話系女仔玩d野。搞到我到e+都没買～～
回覆刪除[版主回覆04/10/2010 23:23:00]不過健康院d姑娘話煮飯仔無分男女,一樣可以買俾知晉玩架~