10月12日,星期二
因為現在吳爸爸接放學後回家的時間比從前嬰園時快
我放工後買餸的時間沒從前的多
否則囡囡在家等我會很心急(從前回家時我已在家等候)
再要等我煮飯才能親她就更慘了~
所以我尚在調較買餸方式
是用午飯時間去買?
還是假期入定一星期的餸菜慢慢煮?
今天我就用午飯時間去買餸
不過只簡單的買了一盒雞柳($7),半斤菠菜($6)和一包扁意粉($7)
下班已經準時走去搭巴士
還未下車就收到吳爸爸的電話
說囡囡正嚷著找媽媽
我想因為上星期我的全天候照顧
使囡囡黏我的程度增加了不少
今晚只能簡單的弄個意粉當晚餐
為求快捷
更用上廚房備用的意粉醬汁一包
但這個意粉也有點特式的
就是混合了扁意粉和普通意粉
有圓有扁
吃來是會覺得特別一點的
大家都可以試下!
咁你們提早左食飯時間嗎?
回覆刪除或者你可以叫爸爸接完囡囡後去附近公園玩下先, 可以讓他們有更多的親子時間. 待你就來煮好先叫他們返來. 是否有效呢?
[版主回覆10/14/2010 17:00:00]你個提議都唔錯,但係我知吳爸爸接完放學一定想最快返屋企lor...仲要佢帶abby去公園玩一定唔想~
哈~我今日LUNCH先食完呢個意粉, 不過係長通粉呀! 好好味架!
回覆刪除[版主回覆10/14/2010 17:00:00]其實我一諗唔到煮咩,就會煮呢樣架啦,哈哈~
日日lunch去買都好辛苦喎！叫老公幫手買幾日得嗎？
回覆刪除[版主回覆10/14/2010 17:01:00]叫佢買一定唔知買左咩,一係買得好貴...通常都唔會辛苦佢,哈哈~
比起以前更趕頭趕命咁wo~~ 我諗~~一次買兩/ 三日送啦, 買得太多又唔新鮮, 用個lunch又超趕咁
回覆刪除[版主回覆10/14/2010 17:02:00]係呀,唔好話abby要適應,其實我都要lor...
丫~~係星期日買幾日送, 然後到星期(三/ 四) 又買幾日, 咁個女都只係等你一日門, 應該ok既
回覆刪除[版主回覆10/14/2010 17:02:00]都諗住試下咁樣,睇下得唔得...但係我好懶整定d野架,哈哈~
你真係可以星期日買幾日野，到星期三或四就再買少少，會無咁辛苦，午餐去確實太趕了，你個D方便醬係邊度買架？有無樣睇呀？
回覆刪除[版主回覆10/17/2010 00:13:00]我會試下咁樣work唔work~
方便醬通常買日式個d一包包,係吉吉島$12一包個d呀,都好多款味架~
我都鐘意食扁意粉.不過,就鐘意用芝士焗多點呀
回覆刪除[版主回覆10/21/2010 10:08:00]我都鐘意芝士焗,不過因為懶所以無加,哈哈~