終於又係去見靳醫生既日子啦,第一件事當然係要同醫生報告我前兩日出既疑似"風賴"事件啦~~
醫生都好緊張問我有無其他病徵,例如發燒,肚瀉,流鼻水等等,不過我一律都無,就只係痕同出疑似"風賴",不過就係全身都有呢下先恐怖lor~
醫生問我係廣華份驗血報告既德國麻疹一項係咩結果,我話驗到有抗體,所以就一定唔係出德國麻疹....所以醫生話應該都係敏感所致,而且我兩日就自已好番實在係太快勒,如果係出疹無可能咁快好得番喎,所以叫我唔使擔心...不過為左避免再受呢d折磨,醫生開左d防敏感藥俾我,如果又黎過就可以食黎止下啦...醫生話就算到BB出世我餵人奶都可以食得呢隻藥喎~~
跟住就照下BB勒,BB大左好多啦,見到佢郁黎郁去好活躍,但係點解我feel唔到佢咁活躍既郁動呢,老公話一定係我脂肪厚得滯喎...唉,今日係醫生到磅重,原來我已經重左成20 lbs啦...天呀,點解已經重左咁多架~~不過醫生又無話我超重喎,可能佢見我骨架大所以覺得OK啦~
醫生照左一陣問我地知道性別未?我話未呀,你上次都無講清楚,跟住醫生就話好似係女喎,佢知我陣間仲要去中環照結構,於是就話陣間林醫生會確實話俾我地知係仔淨女喎~~
醫生真係一時一樣,第一次又話係仔,第二次話唔清楚,今次又話係女...但係次次都唔講實,究竟點架??
可能佢想比個神秘感你地~~仔女都無所謂啦﹗
回覆刪除[版主回覆05/06/2008 20:46:00]可能係啦~
你個醫生好搞笑.
回覆刪除又說仔又係女.
[版主回覆05/07/2008 23:17:00]都唔知醫生係咪專登既~
搞到我都好想知究竟係仔定係囡~~
回覆刪除雖然仔囡都一樣咁錫
[版主回覆05/07/2008 23:18:00]揭曉左啦,快d去睇下啦~~
hihi, 我都係9月 mami, 尋日岩岩照左結構, 我都係尋日先 confirm 到係女, 之前一路都睇唔到, bb 玩我地呀收埋唔比我地睇. 依家知到左, 好開心, 可以放心買野比 bb...你知到仔定女未 ?
回覆刪除[版主回覆05/07/2008 23:19:00]係呀,知道bb係囡囡就可以去睇下d衫仔啦~
估唔到bb咁神秘, 將自己的性別cover得咁好, 叻b
回覆刪除[版主回覆05/07/2008 23:20:00]你個時好早就知係仔啦~
我到生果時都係重左三十磅到炸... 但 BB 生出黎都有七磅多，重左幾多都好講係胎水、係母體吸收定BB吸收？！
回覆刪除[版主回覆05/07/2008 23:21:00]希望我唔好重太多啦,我覺得自己真係好肥呀....不過唔知bb吸收左幾多喎~~
咁你易唔易收身呀?
甚麼是照結構？
回覆刪除[版主回覆05/09/2008 22:50:00]係照bb唔同既器官發展,所以叫照結構喎~