去完洲際飲,老公接我番屋企,之後當然係沖涼瞓覺啦....
但係唔知點解周身痕,到半夜開始頂唔順,於是就去洗手間照下啦,一照真係大件事
..我成身都起晒d疑似"風賴"既野,好恐怖呢~~根本就唔可以停手唔"R",咁大個女都係第一次出到成身都係呢d野,都唔好話唔驚~~唯有試下沖多次涼睇下可唔可以止痕啦,仲有d想去睇急症呢~
我成晚都瞓唔到,連帶老公都瞓得唔好,好在唔會傳染咋,唔係仲煩~~第二朝有d位置已經散左d,但係其他未起既地方又黎,真係好辛苦呀~不過因為星期一都已經約左睇醫生,所以我又唔想今日又去睇,所以唯有忍受落去啦~~
諗植都唔知咩原因引起呢d疑似"風賴",第二晚又番發,雖然程度無第一晚咁厲害,我諗佔成身5成既地方啦....結果又一晚瞓唔到,不過捱到第二朝感覺d疑似"風賴"好似散晒,經老公檢查真係好似無事好番晒....於是我就瞓左一陣休息下,好彩自行痊癒咋,我諗都係皮膚敏感引起啦~~最驚會影響到寶貝咋,星期一睇醫生時一定會報告病情~~
老公琴晚都發現有疑似"風賴"呀！今朝D"賴"大o左，不過無去睇醫生，佢話由佢自己好喎！
回覆刪除你有BB，要特別小心D呀！
[版主回覆05/06/2008 20:47:00]我知呀,所以都同醫生匯報病情~~
我咁嚴重都咁快好,你老公應該無事既~
留意之前吃個甚麽！大肚會影響身體變化嘅。之前唔敏感嘅會突然敏感。
回覆刪除我試過皮膚敏感，個肚起點點又痕，連發夢都掛住"R"，雖然用了特別的皂液冲涼，也痕足兩個月，BB出世後才康復，好慘！
[版主回覆05/06/2008 20:48:00]都無食咩特別野,所有蝦我都無食,所以都唔知點解呀~希望唔好再黎啦~
好像我之前都係咁.
回覆刪除不過我就only 係肚同埋大脾. 痕足一個月. 好慘
[版主回覆05/07/2008 23:23:00]我諗係個d係慢性,我呢隻係急性,個肚反而唔多,但係其他部份就出晒,如果你見到一定嚇死呀~
好像我之前都係咁.
回覆刪除不過我就only 係肚同埋大脾. 痕足一個月. 好慘
個陣我個肚都係咁, 起到一撻撻~~不過因為皮膚拉得緊左, 所以好痕
回覆刪除[版主回覆05/07/2008 23:23:00]弊在係出到全身都係呢~