其實我地一直都未買任何有關囡囡既東西,老公話7個月先開始睇都未遲喎~~不過有樣野我地已經煩惱左好耐,就係幫囡囡改咩名好呢~~老公話呢份係我地送俾囡囡一生一世既禮物,好重要,所以佢好緊張呢~
之前由於一直以為係仔,所以老公都係諗男仔名先,因為姓吳實在太難改名啦,所以諗左好耐都唔滿意,不過最後都有決定,之後先再諗女仔名…點知後來知道係囡囡,我地就想再諗下,因為上次係由男仔名引申去女仔名既,不過既然知道係女,我諗我地都會再諗清楚先得…大家有無好提議?
不過知道係囡囡後,我反而幫囡囡改左個英文名喎~~本來我一直都覺得改唔改英文名都無所謂既,等囡囡第日大個自己幫自己改都無問題,不過我都見好多時係因為學校要改英文名先是但作一個,所以既然我諗到就決定用啦…囡囡既英文名就係~~~Abby~~~啦
等我解構下呢個名既意思啦~
雖然老公係不同既朋友圈之中有不同既英文名,不過我當然以我識佢既時候佢所用既英文名為正統啦...而佢個英文名既字頭就係A勒,而我既英文名既字頭就係Y勒...而囡囡係我同老公既BB,所以就即係A同Y既BB啦,咁就成為左Abby呢個名啦~~而我係網上搵到Abby既意思係解"被神父喜樂的",咁都幾好呀,因為老公已經話會同囡囡做BB領洗架啦....暫時黎講,我對呢個英文名好滿意,所以九成以上機會都會用Abby架啦...大家又覺得點呢?
姓吳的~~改名真係好頭痕呀....搞笑就可以有好多 "吳芝" 丫 HAHA
回覆刪除Abby好聽wo, 好似係er都有一個叫abby的女仔, 佢好叻架~~
中文名要型d先好~~我自己prefer中文名比較中性的, 男女都用得既就最好...不過我老公最後要搵人改名~~激死我~~
我自己心水呢.....靖/ 傲/ 湘/ 希/ 廷~~我都好鐘意架
[版主回覆05/16/2008 23:38:00]係呀,搞笑既就一大堆都有...但係真係要認真諗真係好難呢~
你鐘意既字都唔錯,不過希字就應該唔用啦,因為呢輩好多人都改希子,好似太濫啦~
諾諾有無改英文名呀?
Abby呢個名幾好聽呀! 而且咁有意思, 掂掂掂呀!!!!
回覆刪除[版主回覆05/16/2008 23:37:00]聽到有人話好,我真係好開心呢~~咁你有無開始諗bb個名呀?
Abby好有意思WOR!!!! 中文名 ....我有個朋友叫吳....郁....停 (當然係同音唔同字啦)
回覆刪除[版主回覆05/16/2008 23:36:00]宜家真係要參考多d,希望中文名唔止好聽仲有意思啦~
Abby好有意思WOR!!!! 中文名 ....我有個朋友叫吳....郁....停 (當然係同音唔同字啦)
回覆刪除abby 都唔錯呀.
回覆刪除本來我們叫個囡囡做 sonia 的. 不過現在老公又想轉了. 所以仲未confirmed
我朋友個仔都係姓吳的. 她就係知道好難改, 所以決定俾人改了.
我就喜歡 ~ 蔚純 / 凱怡 . 不過我都係找人改多.
[版主回覆05/16/2008 23:34:00]我諗除非諗到個更好既,否則應該都會用abby架啦~
我地想自己改多d,不過都會睇下坊間既姓名學參考下,不過都係自己鐘意行先~
姓吳真係好難改名呢!! 我 & 我老公都係姓吳架!!
回覆刪除[版主回覆05/17/2008 21:30:00]原來咁多人都係姓吳架~
好有意思喎, 唔駛咁common同人撞名呀..
回覆刪除Abby Ng 都幾ok啦!
[版主回覆05/20/2008 22:21:00]都係架,好似唔係好多叫abby,但係又唔算好艱深既英文名~
Abby的意思很好呀，贊成！中文名的確好難諗，最緊要唔好諗埋d唔識讀的字(而家好興呢)...
回覆刪除[版主回覆05/21/2008 08:49:00]係呀,姓吳仲要難改d,咁我都唔會改d深到唔識讀既字,但係又唔想用d太普通既,好矛盾~