如果唔係天氣不穩,老公本來打算同我入去中大影番輯大肚相,不過因為驚落雨,所以最後就無起行~~
結果去左旺角pizzahut食晏,之後都無咩地方想行,但係我又唔想番屋企,結果我就話去睇戲~~一諗到囡囡出世之後想去戲院睇戲都幾難,所以都諗住係生之前睇多幾次...而老公亦有好多戲話想睇...
今次既奪寶奇兵第四集,老公一早都話想睇架啦,於是就決定同去入場睇下啦~~不過開頭我地兩公婆都覺得好眼瞓,真係差少少就會瞓著個隻,好在頂得住,睇到後期開始精神番好多勒~~
老公話第一同第三集都係好好睇,不過今集對佢黎講就比較失望...而我就覺得ok啦,奪寶戲我一向都唔係特別鐘意既~
番到屋企明珠台仲播番第三集,我又陪老公睇下,咁又好似第三集好睇d喎~~
而且今次囡囡都無上次睇鐵甲奇俠個次郁得咁厲害,我諗囡囡都係麻麻地鐘意睇,哈哈~
故事有點科幻, 我唔覺得精彩.
回覆刪除[版主回覆06/03/2008 20:49:00]不過佢想拍番以前個隻feel,所以無用到太多特技,都算係咁啦~
我都覺得開頭好悶,反而我阿b睇呢套勁郁喎~haha
回覆刪除[版主回覆06/03/2008 20:49:00]咁你阿b係咪第一次同你入戲院睇呀?
我老公都話麻麻哋，故事好簡單。
回覆刪除我喜歡看找聖杯嗰集！
[版主回覆06/03/2008 20:50:00]聖杯個集咪就係第三集lor~
唔係呀~睇過好多次喇~不過o個陣仲早未feel到佢郁,但上幾個星期睇鐵甲奇俠都冇郁
回覆刪除[版主回覆06/04/2008 21:34:00]係呀,咁可能你阿b鐘意睇呢類戲喎,哈哈~