一連3日假又點可以浪費掉呢,雖然今日長洲有飄色巡遊我地都好有興趣去睇,但係見到咁多人好驚太逼,所以都係打消左呢個念頭~~
於是我地改左去赤柱行下,屋企樓下有架973直達赤柱,不過車程要成1個鐘,我地11點上車,去到已經好肚餓,於是即刻去美利樓搵野食....最後去左King Ludwig Beerhall食lunch buffet($168 per person),可以食到3點架~~
我知道想坐望海景既位應該要訂左先得既,本來經理安排左我地坐室內,點知後來佢見到我大肚就改左張檯,俾左張海景位我地呀,囡囡真係勁啦,未出世已經可以拎到著數,睇黎有我既著數王潛質喎,哈哈~
其實我覺得食物同我之前係尖東個間食既tea buffet差唔多,不過可能好耐無食,依然覺得好好味,特別係馳名咸豬手,真係好正呢~老公亦盛讚其煎龍利柳,真係好少有呢...仲有好味道既白汁意粉....其實仲有龍蝦仔,不過我唔食得,無辦法啦~~
對住靚景,又有海風輕彿,真係好舒服呀...所以價錢俾tea buffet貴都無所謂啦...食完仲有餐茶架,好嘆既午餐,足足食左兩粒鐘
上次復活節假,我地都係去左呢度食Dinner,佢地一帶就帶左我地出出面坐啦,當時我地都係無book到架...嗯...係喎...我都未試過去食下昼...要搵次去試吓...個view應該會吸引d
回覆刪除[版主回覆05/12/2008 23:32:00]晏畫好多人食呢個buffet架,我地入座無耐就full house要排隊啦...而且張檯本來係有個reserve牌架~我都覺得晏畫個view靚好多架~
真係咁正??我都要搵日捉老公去試吓先
回覆刪除[版主回覆05/13/2008 22:34:00]唔錯架,去試下呀~
有機會要試o下先得
回覆刪除[版主回覆05/13/2008 22:34:00]去啦,又有美食又有靚景,好唔錯呢~