今日係奧運火炬接力既大日子,而我就係去廣華檢查既大日子,上次已經係3月18日既事啦~
今日係第一次見助產士小組覆診,可能真係唔多人入到小組,所以今次等待既時間快左好多,由我到達到可以離開只係用左1個小時既時間,超快呢~~
不過今次既覆診又係幾簡單既,只係量血壓,驗小便,聽BB心跳,摸肚,跟住就係由助產士同我講解番上次既驗血報告同埋現階段既注意事項~~
好多人都話醫院或者健康院既聽BB心跳機太舊式,好難搵到黎聽,結果嚇到唔少準媽媽要即刻去私家都檢查....今日係由一個實習護士聽BB心跳,助產士係旁邊觀察...部機真係好簡單,而且好多雜音,終於係右邊既肚搵到BB心跳,但係心跳初時都係夾雜好多雜音,後黎又清晒,所以助產士話BB應該係入面游緊水,所以心跳時清時雜~~
助產士都有問我有無feel到胎動,佢話宜家應該係彈下彈下個d就係,咁我就話feel過一次咁大把,助產士話唔使擔心,我宜家既週數,BB仲係細,所以係無咁明顯喎~而我個肚既大小都適中~~
之後助產士就同我講番上次既驗血報告:
血型: O+
血色素:12.9 (助產士話非常理想)
地中海貧血: Negative
乙型肝炎病毒:Negative
德國麻疹:已有抗體
愛滋病病毒:Negative
一句講晒就係無問題勒,知道自己咁健康其實都好開心呢~~下次就要6星期後先覆診勒~
呵呵, 那妳可放心地生個肥肥白白的bb啦!
回覆刪除[版主回覆05/03/2008 00:55:00]最好啦~
很好呀~
回覆刪除[版主回覆05/03/2008 00:56:00]我都覺得係呀~
我都係 O + wor
回覆刪除不過我係前幾個星期先知道. 因為一路都沒有醫生 or 護士同我說.
係上次係健康院, 個護士問我是否知道晒自己d 野, 我說什麼都唔知道, 她先同我說. 真的唔多惦.
[版主回覆05/03/2008 00:58:00]咁醫院無同你講番個驗血報告咩?
所以我覺得廣華既助產士小組真係唔錯呢~
以前我都以為自己曾經是一個健康人, 不過做多幾次body check之後...就自己知自己事啦 hahaha
回覆刪除唔止要自己健康呀, bb都要健康呀~~
[版主回覆05/06/2008 20:48:00]無錯,大家都要健康呀~
恭喜晒~ CHECK 左冇問題, 你可以安心養胎啦~
回覆刪除[版主回覆05/06/2008 20:49:00]係呀,所以好開心~
一切正常，恭喜恭喜
回覆刪除[版主回覆05/06/2008 20:49:00]最好就係咁~
恭喜晒呀.......
回覆刪除[版主回覆05/06/2008 20:49:00]多謝~
我5月2日都係做第二次檢查, 不過我響贊育, 同你一樣都係量血壓,驗小便,聽BB心跳,摸肚, 講番上次驗血報告, 醫生同我檢查bb心跳聲時, 和你一樣醫生搵來搵去都搵唔到, 結果都係搵個護士長幫忙, 可能心跳機真係太out, 好彩前幾日去私家醫生到唐氏test話bb正常咋, 如果唔係個日都俾佢嚇餐死 ...
回覆刪除[版主回覆05/06/2008 20:50:00]係呀,真係心血少d都被佢地嚇死~
一切正常，好安心呀，祝你生個肥肥Ｂ！
回覆刪除[版主回覆05/06/2008 20:50:00]一定一定~