前一排去99家吃飯,99問我媽媽懂不懂煲薑醋,以我所知呢類咁傳統既食物,我的新潮媽媽應該是不懂得的(果然事後求證媽媽,媽媽說不懂,打算去買已煲好的八珍豬腳薑)~~
99呢,原來她也說她不懂,不過她想自己煲,於是說找日向親戚詢問一下~~
昨晚我們又到99家吃飯,99向老公說已煲了豬腳薑,叫我們帶回家吃~~
下,我都未生,咁快就煲左薑醋
...而且好似我呢個時間都唔係好適合食薑醋,於是就益晒老公啦~~
原來99未試過煲豬腳薑,為免到時失威煲得唔好,於是早早練習定睇下有無咩要改良,於是就叫老公做白老鼠勒~~
不過老公仲未試味喎,唔知煲成點呢?
下??? 你奶奶....乜咁有心呀~~~好搞笑呀~~練習定.....
回覆刪除不過~~薑醋呢家野真係唔岩大肚婆的, 益老公啦~~
唔同人食同一煲薑醋都會食出唔同味道, 我自己就覺得係辣的 (奶奶話如果生完食個d薑醋覺得辣, 証明bb係 "惡爺" wo)
[版主回覆05/30/2008 22:04:00]其實我都唔係好鐘意食薑醋架咋,最鐘意都係食d雞蛋~
咁你 99 都對係幾好丫...煲豬腳薑都 practice 定...hehe
回覆刪除[版主回覆05/30/2008 22:04:00]咁我99都好nice既~
派豬腳薑好開心kar.
回覆刪除[版主回覆05/30/2008 22:03:00]你一定好鐘意食勒~
係呀！我地依家唔好食呀！要生完先食得！ 我奶奶仲誇張，當我個肚5個月既時候已經煲左薑醋.... 不過，只係落左薑 & 醋....依家煲醋就比佢收埋左唔知在那裡了！ 咁早煲，一定發晒霉啦！
回覆刪除[版主回覆05/30/2008 22:03:00]你99係咪都係想試下先呀~
你99好好學！煲薑醋都要先試一次。有前途！
回覆刪除[版主回覆05/30/2008 22:03:00]哈哈,我諗99想煲好多派俾親戚卦~
哈..咁早煲好喇? 不過你唔好食住呀!
回覆刪除我都唸過自己煲..不過又好似好煩咁..所以都係算數囉.
[版主回覆06/03/2008 21:02:00]你自己煲,一定要你老公幫手喎,淨係批薑皮都有排批呀~
早點煲好似好d的, 不過只用薑和醋, 當妳生完便要食了, 呵呵, 我都只是食旦的, 不過媽媽說食埋薑有益d.
回覆刪除[版主回覆06/03/2008 21:02:00]咁你一定食左好多啦~
咁錫你!!!!
回覆刪除係既, 始終都係自己煲型D既! 心意黎架!
[版主回覆06/03/2008 21:03:00]咁自己煲點都係心意黎既~
我阿媽話煲薑醋係會早少少開始煲架，因為唔係好似煲湯咁快架，靚既薑醋係要煲好多次，要不斷加薑、蛋、醋 & 豬腳落去，跟住又再繼續煲，好多功夫架
回覆刪除[版主回覆06/03/2008 21:03:00]唔怪之得要咁早開始啦~
好鍚你呀
回覆刪除[版主回覆06/03/2008 21:03:00]都係因為個孫o者~