轉眼已經去到孕期既32週,即係8個月啦~~番工番多一個月左右就可以開始放產假啦....非常期待呢~
呢排開始出現懷孕後期既不適,雖然我個肚圍已經定左係42吋呢個尺碼,不過我同老公依然覺得個肚不斷漲大,肚肚愈黎愈重,我隻腳開始唔係好夠力支撐上半身既重量,所以行路好慢好慢,而且好快就會覺得攰,但係我都會盡量行多d,希望可以幫助我順利生產~~
除左隻腳唔夠力之外,呢期既睡眠質素極不穩定,有時可以成晚都瞓唔著...因為無論用任何睡姿,始終找不到一個舒適既姿勢睡覺,不得不轉身,可是轉身又要花好些時間....就算入睡了,沒多久就因血液循環太慢令雙手麻痺而要轉換姿態,結果又醒了過來...仲有,囡囡宜家郁得好厲害,我個肚好似個洗衣機咁,成日搞下搞下,轉下轉下,仲要一痴住爸爸就狂踢,有時真係踢到我都有d痛架~
如果睡不好,翌日我就會開始頭痛,加上腰骨和恥骨也開始不適,結果是周身骨痛....好像一個廢人似的,不想郁動,但係唔郁動下又會更加無精神,所以好矛盾~~
雖然呢期真係好辛苦,不過我始終想囡囡係我放產假既時間先出世,唔好打亂我既計劃呀~~
係呀....個肚愈 "聚" 雙腳就會愈累, 我直頭覺得痛添呀, 訓唔好又係一個問題, 我頭痛到喊架...後來要醫生開d大肚婆食得既頭痛藥俾我~~腰骨痛就更加啦....
回覆刪除可能個人重左, 所以床墊已經唔可以承受我既體重~~成件事都會好唔舒服~~
[版主回覆08/05/2008 21:54:00]係呀,總之就辛苦啦~
回覆刪除撐住呀...當見到女女出世就乜都值架喇...忍多陣啦..加油 !!
[版主回覆08/05/2008 23:45:00]我一定會頂住既,我諗比起生個時,呢d都係小兒科~
真的有42吋嗎 ？我33週才37吋．．．你BB好健康呀！
回覆刪除[版主回覆08/05/2008 23:46:00]我有42吋好耐架啦,所以肚紋好早就出左啦...我肥底麻,所以個肚圍一早已經比人大架啦,不過bb又無超重喎,係正常size~
齋聽都覺得辛苦，俾心機呀！ 今日打風大家可以休息一天呢！
回覆刪除[版主回覆08/07/2008 21:16:00]係呀,所以今日精神番好多啦~
聽你o甘講，的確好辛苦喎！撐住呀！好快就可以同BB見面，辛苦都值得哩！
回覆刪除[版主回覆08/07/2008 21:13:00]係呀,我相信好快就會見到囡囡架啦~
嘩~~我34WEEKS都係得39"咋
回覆刪除[版主回覆08/07/2008 21:09:00]不過吋數呢d都唔可以作準既,有時吋數細個肚都可以好大架~
你好辛苦呀!!! 你要支持住呀!! 加油呀!!
回覆刪除我都知道個肚愈大就會愈辛苦, 所以之前媽咪佢都成日同我講睡不著呀!!
[版主回覆08/07/2008 21:09:00]我會架啦~
係啦，我呢排都覺得好攰!
回覆刪除[版主回覆08/07/2008 21:08:00]大家都要加油呀~