生日禮物 ~ 再加薪!

今年吳生並無特別送上生日禮物,而且因為去睇首映既關係,亦無去特別既地方食生日飯....不過我都無失望,踏入一個令人沮喪既年齡(一個新既字頭),其實都無心情大肆慶祝(假都無請到呢,只係下畫去左睇牙醫),加上陀住囡囡,生日願望都係圍繞佢而唔係自己~~

不過生日總有開心事,除左追番年頭因為取消歐遊而未收既退稅之外(都差唔多成2千蚊架),估唔到我既人工係半個月之內連加2次,實在係一份不錯既生日禮物

話說新合約加薪12.5%(9月中開始),係我簽左續約文件之後一個星期,部門出信話全體合約員工加薪5.2%(跟隨政府公務員既加薪幅度),8月生效(不過就無得好似政府公務員咁pay back番去4月勒)....咁我都有諗如果份續約文件係用8月既新人工再加12.5%就好啦,不過我覺得既然我已經簽左,佢都唔會咁傻去adjust我新合約既人工啦~~

點知今日又收到人事部既信,話之前簽既新合約人工會再照加5.2%....嘩哈哈,計一計,新合約既加薪幅度達到18.4%,超勁呀~

不過今次老公個部門就仲未有消息話加薪喎,希望佢地都快d出通告話加人工啦,咁就perfect勒