第六次廣華產檢(36 week)

終於都到左36週啦,今日又係去廣華做產檢,不過今次唔係見助產士小組,係要見醫生呀~

今日既檢查時間係11點,睇醫生個邊真係人頭湧湧,助產士小組個邊真係少好多人呢~

雖然好多人輪住睇醫生,不過今日整個過程都只係用左個半鐘,算係咁啦....而且我又撞到朋友,有人陪傾計,時間易過好多呢~朋友同我既預產期相約,又係睇助產士小組架,所以我地成日覆診都撞到,佢都話我個肚俾上次覆診好似大左好多呀~~

今日見既醫生係一個南亞裔既人士黎,不過佢都識講廣東話...姑娘聽完囡囡心跳之後,醫生摸下我隻腳睇下有無水腫,之後度下我個肚,又摸下我個肚咁就問我有無唔舒服...我話無咩特別啦,醫生話一切正常咁就睇完勒,都唔知有無2分鐘時間呀~

之後我個file拎番去助產士小組個邊,姑娘話我已經36週,如果有咩動靜(都係個3樣啦:陣痛/見紅/穿水,仲有就係12個鐘之內bb郁動少於10次)就要入院喎~~宜家開始要每個星期番去廣華做檢查,下星期五仲話要再抽多次血(唉,又要抽血,點解咁多血要抽架?)同埋照超聲波添....真係唔緊張都俾佢搞到好似好緊張咁呢