無錯,又係老公既主意~~
買呢部Lumix FZ28既目的並唔係想幫囡囡拍照,因為老公已經有部Nikon D80既專業單鏡反光機用黎幫囡囡影相~~
咁呢部Lumix FZ28究竟買黎做咩
其實係買黎幫囡囡拍高清video~~最初我地係睇高清攝錄機既,可惜除左價錢太貴之外(動輒都要5千左右),老公亦嫌機身太重手~~
於是我地轉移視線睇具備拍高清短片既數碼相機,經過老公既一輪研究,Panasonic有兩款都合老公心水,多番試機,又因為豐澤係星期六用渣打卡有10%回贈,最後老公終於決定買呢部Lumix FZ28,折後約三千三百蚊~~
我相信男同女既思維真係有分別,其實我因為囡囡而想買打印機或者具備高清拍片功能既數碼相機意慾不大,但係老公就好熱切....我都明白係因為老公愛錫囡囡而提出既要求,所以雖然我覺得唔係太必須,但係都批准佢買~~
唔緊要啦, 都係為左囡囡, 到佢大左你可能會後悔影得少添 :P
回覆刪除[版主回覆08/25/2008 22:06:00]其實宜家用緊部dc都可以影video,不過就唔係高清lor...你知男人對呢d好有要求,所以咪又要買lor~
妳老公仲有無其他興趣? 如果無, 咪比佢地玩下囉!
回覆刪除[版主回覆08/25/2008 22:07:00]如果可以,佢梗係樣樣都有興趣啦...不過我都唔會俾佢樣樣玩,佢咪選左影相lor~
咪係囉，佢唔玩相機去玩女人嗰陣你就知驚喇，哈哈........
回覆刪除[版主回覆08/25/2008 22:07:00]所以我都無唔俾佢買呀~
豐澤係星期五匯豐咭同星期六用渣打卡有10%回贈, 真係好吸引ge, 就係咁屋企都添置咗好多電器....講係話為咗亞b而買, 但實際上....呵呵
回覆刪除[版主回覆08/27/2008 21:47:00]最緊要抵買~~
因為e個優惠我都買咗手提電話, 濾水器, 按摩器同電視機啊~~hehe
回覆刪除ps. hang hang地機tim, 所以分咗2次send
[版主回覆08/27/2008 21:47:00]嘩,你又真係用得幾盡喎...不過一個月內好似有個回贈限額架喎,爆左之後個d就無得折架啦~
睇來你老公會有愈來愈多野是"為囡囡而買" ga la!!
回覆刪除[版主回覆08/27/2008 21:45:00]係呀,我都覺得會~
買o黎都係為o左囡囡，無所謂啦！
回覆刪除[版主回覆08/27/2008 21:45:00]佢以囡囡既名義黎買,我都好難話唔俾既~
係呀, 講完價仲有"電視框", 8月尾到期嘛, 用盡d好~~~呵呵(滿足晒我ed c9心態)
回覆刪除[版主回覆08/28/2008 22:06:00]咁又係~