不經不覺囡囡已經出左世10日啦~
原來我也正式當上了媽媽有10天呢~其實我有很多感受,一些不曾領略的感覺~
我沒有請陪月,沒有請工人,也沒有回娘家或到奶奶家坐月,從分娩以後就在獨力照顧著囡囡....幸好回家後有老公陪伴我一同照顧囡囡,兩公婆一起學習為人父母,老公除了照顧囡囡更要照顧我呢....雖然疲累卻也覺得幸福~~(實在很感謝老公特意請了兩星期假來照顧我兩母女
)
當上媽媽實在有種奇妙的感覺...
嗜睡的我不知道原來自己還有能力可以撐那麼多個晚上
聽到囡囡不斷的哭鬧,自己竟然沒有發脾氣的衝動
看到囡囡面上的粒粒和紅紅的屁股,心中非常心痛
我慶幸自己還沒有產後抑鬱,沒有發過一次脾氣.....或許很大程度上是因為有老公的支持~不知老公要上班的日子又會如何呢?希望奶奶不會連日間的時間也來看囡囡吧....
6299對囡囡的寵愛實在超出我和老公的想像,在我大肚的日子他們也是正正常常的...可是囡囡出世後他們每晚也來看囡囡,要知道62自我們結婚後一直也沒有來過我們家的,就因為囡囡的出世,他竟然和99每晚都準時上來看囡囡...每晚都在囉囉嗦嗦的,我和老公都怕了...真不知他們何時才能回復正常....他們對囡囡的關愛可是給了我不少壓力,再這樣下去不知會不會真的有產後抑鬱呢~~
恭喜恭喜!
回覆刪除冇探你一排，原來已經榮升媽媽級呢!!!!
[版主回覆10/05/2008 22:04:00]係呀,所以已經好耐無煮飯啦....遲d適應左之後會開始入番廚房架啦~
d老人家係咁的.
回覆刪除囡囡的紅紅屁股, 你是否用了johnson & johnson 的濕紙巾呀? 因為子又個時都係咁的. 之後我改用了huggies 就冇啦. 不過你現在可以用花士令幫個囡搽, 就會冇事的.
[版主回覆10/05/2008 22:07:00]我明白6299都係出於愛錫,但係有時實在係過份緊張而且迷信,真係令人覺得煩厭~
係呀,初初有用johnson & johnson呀,不過已經用晒啦(都係d sample)...宜家我用乾綿濕水同埋搽護臂膏,好左好多啦~
好勁呀你 ！加油努力呀！！！
回覆刪除[版主回覆10/05/2008 22:07:00]大家咁話~
你囡囡屁股上面的紅粒粒應該係 diaper rash, 去藥房買支 diaper rash 藥膏. 唔好用濕紙巾抺 pat pat, 用棉花 (思詩樂) 濕水抺, 再用 tissue 抺乾, 之後搽上藥膏 (好番之後就唔使用藥膏, 改用花士令薄薄搽一層), 先著片片就 ok 架喇.
回覆刪除[版主回覆10/05/2008 22:09:00]我宜家都係用棉花 (思詩樂) 濕水抺之後風乾搽藥膏,真係好好多啦~
嘩, 你好勁呀
回覆刪除通常都會有媽媽或奶奶在坐月期間幫手, 你竟然一個人攪掂, 真係好勁呀...
咁你咪會成日濕水囉?
[版主回覆10/05/2008 22:10:00]我媽同奶奶都唔識幫手,咁咪自己黎lor~
濕水既野都係老公做晒,好似洗碗,同囡囡沖涼呢d lor~
嘩, 你真係好勁呀, 唔駛請工人...
回覆刪除[版主回覆10/05/2008 22:11:00]因為我同老公都唔鐘意屋企多個外人~
你好獨立呀，自己搞掂。老爺奶奶愛孫心切吧，忍耐一下吧！我的奶奶都係好煩的人，少見面會好Ｄ！
回覆刪除[版主回覆10/05/2008 22:12:00]有時自己黎可以想點就點都係一個好處~
一向都唔算見得多,但係宜家係佢地晚晚上黎,唔想見都要見~
我都係一個非常嗜睡的人, 夜晚火災都唔會知果隻. 但自從生左阿囝之后, 半夜訓著聽到阿囝發出少少聲音都會醒..真係神奇!!
回覆刪除[版主回覆10/05/2008 22:13:00]係呀,真係少少聲都會醒~
的確係呀...為左照顧bb真係可以訓得再少都願意....我今朝....5點半就同個仔出左廳...因為佢一見到天光就唔願再訓....
回覆刪除紅pat pat....你用咩牌子片片呀?? 諾諾用huggies new born都無問題, 但轉細碼就情況唔係咁好, 後來同佢轉用花王就無用發生過了, 試下比阿女的怵屁股仔乾左先包片啦, 同埋花士令呀~
岩岩生完真係好怕有咁多人又咁熱情....6299呢d地位...唔尊重佢又唔得, 唔俾面又唔得, 但一人一句又真係好鬼死煩的....明晒呀~~
不過呢d野, 你慢慢會習慣的, 因為宜家係你身邊真係有好多野都在大轉變
[版主回覆10/05/2008 22:16:00]我都係用緊huggies new born,不過99又買左兩包pamper new born番黎...宜家搽左藥膏好好多啦~
慢慢會習慣,唔係卦....我希望遲d佢地會回復正常,唔好成日上黎,俾番d空間我地啦~
加油！大家都在努力做人阿媽...
回覆刪除[版主回覆10/05/2008 22:16:00]係呀,一齊加油~
恭喜你們一家。
回覆刪除BB很多表情很可愛哩! 有心情寫BLOG又整個咁精緻的BACKGROUND, 就知你感覺極良好啦!
[版主回覆10/09/2008 09:59:00]都叫ok啦~
恭喜晒呀~ 佢好得意呀!! 希望你6299唔好過份緊張啦
回覆刪除你都要好好休息呀! 唔好捱壞呀
[版主回覆10/09/2008 09:59:00]佢成日喊就真~
我真係俾您倆夫婦十個叻呀! 勁~
回覆刪除[版主回覆10/09/2008 10:00:00]邊有咁勁~
恭喜你ar....bb女好得意ar~
回覆刪除希望我遲d坐月都ok la~
[版主回覆10/09/2008 10:00:00]一定無問題既~
睇o黎你6299都好錫你囡囡喎！我諗佢o地都係因為BB啱啱出世無耐，所以先想成日見，過一排應該唔會日日上o黎o既。
回覆刪除你唔請工人，第時返工BB邊個湊?係o米交比6299? o甘佢倆老o米可以日日見住BB o羅！
[版主回覆10/09/2008 10:02:00]見到佢地咁更加唔想俾佢地湊啦...我諗住放阿b係育嬰園,放工就自己湊番~
果然係叻媽媽！！！
回覆刪除你62和99真係神心。吳先生係唔係獨子/或囡囡是第一個孫？所以才如此緊張？
有需要叫吳生暗示吓，應該ok！
[版主回覆10/09/2008 10:02:00]係第一個孫呀~如果係仔既話一定更加不得了~
你真好叻啦，你個囡囡好得意呀，看著你們一家三口，等如看什麼叫幸福﹗﹗
回覆刪除[版主回覆10/09/2008 10:03:00]唔好咁講,都係盡力照顧囡囡~
亞女好得意呀, hehe......
回覆刪除你好叻呀! 加油!
唉... 因乜解究d老人家會咁煩, 知佢地係鍚bb, 之但係唔知咁會令人煩厭, 我99都係咁架, 成日打黎問B仔點, 識乜識勿未, 雖然佢唔係打俾我, 打俾老公, 但我覺得佢真係好Q煩, 我懷疑佢當咗B仔係佢個仔呀!!!
[版主回覆10/09/2008 10:04:00]唉,真係好煩呢....仲要老公行開又同我講多次,真係俾佢激死~
兩公婆都咁抵讚, 勁! 我應該同你差不多, 都係睡著後點都唔醒0既人, 母愛的力量真的很神奇啊!
回覆刪除加油呀!!!
[版主回覆10/09/2008 10:04:00]都係迫住黎...哈哈哈~
放鬆d就可以啦...
回覆刪除我都冇諗過，自己可以照顧一個BB，做母親後，真係覺得自己好叻...
[版主回覆10/09/2008 10:05:00]哈哈,呢d就係我地既子宇宙力量啦~
恭喜妳呀! BB女十分精靈可愛!
回覆刪除祝BB女健健康康，肥肥白白，快快樂樂!!
[版主回覆10/09/2008 10:05:00]多謝~
你囡囡笑個樣真係好得意呀, 淨睇佢笑都LUM哂啦!
回覆刪除你6299都係關心你地初為人父母唔識湊BB, 唔好唔開心啦, 應該慶幸佢地咁錫你同BB呀! 放鬆心情啦, 依段時間你要面對好多轉變架!
[版主回覆10/12/2008 18:48:00]咁佢笑起上黎又真係好得人鐘意既~
6299個套都唔o岩使啦...加上62只係講d迷信野,真係好令人討厭架~