我諗我算係一個乖既坐月婦...因為我真係成個月都無洗頭同埋只係用薑水抹身~
雖然我阿媽同奶奶都唔係點識煮補品俾我坐月期間食,但係佢地不約而同都好堅持叫我唔可以洗頭沖涼,所以我都好聽話~
頭2個星期個頭真係好唔舒服,不過之後習慣左就無咁辛苦,不過一坐完我就即刻去洗頭沖涼,真係舒服晒~
至於用薑水抹身就只可以止下咳,因為好多時食完野就已經一身汗,點可以抹身就得呢...所以日日都要開冷氣,咁當然又唔可以開得好勁啦...呢種滋味真係幾難受架~
跟住就應該講下我既收身情況,整個孕期共重45磅,生完之後兩星期磅數少左20磅,但係再過兩星期磅數只係回落左5磅咋....仲有20磅都唔知點算
最礙眼既係我個肚,生完都仲好似有左3個月咁,肚皮鬆泡泡仲勁多肚紋,真係無眼睇~
經過一個月既時間肚皮已經比生完既時候收左好多,但係仲係成個肚腩咁,懷孕時43吋既肚圍宜家仲有成38吋,腰圍宜家仲有成34吋,真係唔知要用幾多時間先可以減得番~
最弊係我仲未可以載番隻結婚介指,點算好呢?希望返工之時可以回復產前既狀況啦~
嘩........要成個月唔洗頭唔沖涼我一定唔得，最多用薑水架啫，打死我都要沖涼洗頭呀
回覆刪除[版主回覆10/28/2008 11:56:00]其實我都好想破戒架,但係忍一個月換黎之後既健康就堅持啦(雖然唔知係咪真?)
我堅持左9日~~~嘩........用薑水洗頭......個盤水.....我老公都忍唔住話係地拖水 (注意!! 只係搵水 "林" 下個頭咋, 未落shampoo, 已經一盤地拖水呀)
回覆刪除忍一個月換健康呢................人人見解唔同啦.........我咪一樣係咁 haha
我咁瘦都未係返工時減得晒磅呀, 你漲得咁勁快極都要用半年啦, 肚皮d肉真係要俾心機做產後收腹運動呀, 不過應該仲有d係水腫來既, 慢慢自己會消架
[版主回覆10/28/2008 21:51:00]係呀,盤水都幾嚇人架...不過要知道d薑水本身都係黃色既,所以睇落會恐怖d lor~
咁你用左幾耐先減得番呀?
我已經8個星期個肚都好似有左3個月咁,肚皮鬆泡泡仲勁多肚紋
回覆刪除都唔知幾時先無呀
[版主回覆10/28/2008 21:58:00]咁你有無用d咩方法試下改善呀?
呢段係黃金時間,要咩方法都試下呀~
我個肚由剛剛生完好似 7個月咁, 而家都仲有4個月 人地話生完bb之後, 因為d脂肪未固定, 所以在產後半年內著修身內衣會好快修身嫁, 不過cool住成日, 會幾唔舒服呢 (不過我未有機會去買呢)
回覆刪除[版主回覆10/29/2008 15:51:00]我都聽聞修身內衣有效,都諗住去買番套著~
聽你o甘講，坐月都幾難受o下。做媽媽真係一D都唔容易，大住肚辛苦，生o既時候又痛苦，生完依然係o甘辛苦哩！
回覆刪除唔駛頭真係好難頂，我一日唔駛，都已經覺得好唔舒服嘞！你無用免沖洗頭水?
[版主回覆10/29/2008 15:51:00]係呀,每個階段有每個階段既辛苦~
一個月唔洗頭，真係一萬個唔得～～我一日唔洗頭都會覺得個頭好痕～～
回覆刪除[版主回覆10/30/2008 14:03:00]其實初頭真係好辛苦架,不過之後反而無初初咁唔舒服喎~
我生左3日就忍唔住沖涼洗頭lu~~
回覆刪除[版主回覆11/14/2008 15:39:00]哈哈,其實我都忍得好辛苦~