屋企今日下畫3點至5點整座大廈都會停電,既然係咁我決定帶囡囡出去行下街街~
今日終於成功用條Sling揹帶啦...呢條Sling就係個時係BB展買既,其實之前都想用架啦,但係唔係好識用,因為每次想放囡囡入去條Sling到既時間,囡囡都會喊晒口咁,似乎好似唔係好舒服...咁我都唔想勉強,所以就無用到啦~
但係上次就咁抱住囡囡出街,只係1個鐘頭我已經覺得隻手同條腰好攰,更何況今日要出去起碼2個鐘...於是又拎條Sling出黎試下~
今次算係放到囡囡落去,不過佢都係有d喊架...咁我就抱住佢行左陣再餵陣奶之後佢就瞓左啦...仲瞓得好"林"添,咁我就好順利影張相同出街勒~
嘩,原來有揹帶出街真係爭好遠架,輕鬆好多,手同腰都唔會痛~
我同囡囡去左護協買野,然後去銀行,跟住去Elements行下...囡囡足足係條Sling瞓左2個鐘,係行程尾聲先至因肚餓而醒左~
睇黎我要練習多d用Sling先得啦~
如果用手抱真的好辛苦的. 所以上次去完你家之後, 我都用了揹帶了. 真的舒服好多.
回覆刪除[版主回覆11/01/2008 12:59:00]係呀,試過用揹帶之後真係唔想就咁用手抱出街~
我朋友都好鐘意用Sling孭帶，佢話好好用架，所以佢個工人返印尼嗰陣叫佢買咗幾條返嚟。
回覆刪除[版主回覆11/01/2008 13:00:00]我要練習多d先得,因為放入去都要d技巧~
我99仲勁,就咁一塊布佢已經可以自行綁結做揹帶啦,我就一定唔得~
但係好似好難用咁...
回覆刪除係呢, 條sling
其實係咪可以方便餵埋人奶?
[版主回覆11/01/2008 13:03:00]我都覺得有d難架,不過我相信熟能生巧~
我呢款係無扣既Sling,有扣個款就可以遮到餵奶...不過我都買左條授乳頸巾方便餵奶~
你用得好過我。。。我每次都搞到個仔攣「工」蝦米咁。。。
回覆刪除[版主回覆11/01/2008 13:04:00]哈哈,我之前試過幾次架啦,係今次成功....你再試下啦,bb大d容易d放入去架~
呢條新既出品黎架?? 我未見過呀 ... 我諗應該好難用囉
回覆刪除[版主回覆11/01/2008 23:26:00]呢期好hit架....不過我覺得大d既bb容易用d~~
我都想買但唔知點用
回覆刪除[版主回覆11/01/2008 23:31:00]你可以帶埋Ta B去試,覺得handle到先買啦~
聽說話用sling帶 bb因為聽到大人既心跳聲 有多d安全感 大個左做事都會有信心d架 唔知係唔係呢
回覆刪除[版主回覆11/04/2008 20:04:00]都係架...不過其他揹帶都應該可以聽到大人既心跳聲~