一直以來我都沒有提及產假後的安排,其實早在懷孕時期我已經為此而苦惱,在香港多數的安排是:
1.辭工做全職媽媽
2.交由家中長輩(如奶奶或婆婆)照顧
3.請工人/褓姆
最初我真的有考慮過方案1的,而且也告訴老公我的想法...不過後來計計數,沒有了我的一份人工,每月就沒有餘錢可儲,而且似乎對老公的壓力也不少...所以最後還是打消了念頭~
因為娘家太遠不方便,而奶奶也表明不湊...加上也不想長輩們太辛苦,所以也不考慮方案2...只是後來62知道我的安排後卻命令奶奶來湊囡囡,不過還是被我拒絕了(其實我也不太想給奶奶湊)
雖然我的父母或者奶奶都非常希望我們請工人,但是我和老公一早就沒有考慮此方案...因為實在不喜歡家中有外人一起住,而且我也信不過工人,實在聽得太多不好的經驗,我不想麻煩啊~褓姆也太難找,而且費用不便宜呢~
最後我和老公決定了放囡囡到育嬰園,只是這個決定並沒有得到長輩們的支持~可是在我們眼中育嬰園卻是一個非常好的解決方法,只是在香港請工人太易也便宜,而且因為偏見所以覺得育嬰園不好~其實在外國請工人根本不可能,育嬰園才是主流呢~
大家不要將育嬰園理解做被人遺棄的小朋友才入讀的地方....育嬰園內的姑娘均是受過專業培訓照顧嬰孩的,比起家中的工人或者家中長輩或者是父母本身更可信賴~
而且育嬰園的生活非常規律,不會寵壞囡囡~又有很多同伴一起,可以早點學習社交呢~
我也上網看了很多評語,又問了朋友的經驗,沒有一個不稱讚的~
我想唯一的缺點是可能會令囡囡容易生病,不過我相信吃人奶的囡囡一定無問題的...而且遲早都會返學,遲早都會接觸病菌,問題不大,早d有抵抗力仲好啦~
因為香港育嬰園不多,而且名額有限,所以都要排隊輪候架~我就係陀住囡囡7個月時入紙申請12月入託呢~~終於星期一收到通知帶囡囡去面試...其實係要睇下BB係咪健康正常~囡囡當然合格啦,不過育嬰園仲要求有西醫發出既健康證明先會正式取錄~
星期一晚即刻同囡囡去左做健康證明,今日就去育嬰園辦入託手續啦~
好多文件要簽,好多野要知....總之好嚴格,不過我覺得咁樣證明呢間育嬰園信得過~就連書包都拎埋番黎添...哈哈
12月我番工之日就係囡囡入託之時...相信囡囡一定會鐘意育嬰園既生活~
這又幾特別，那麽你下班便自己照顧女兒呢！會不會辛苦？
回覆刪除[版主回覆11/13/2008 11:21:00]我覺得應該自己湊番既,點辛苦都要啦~
Hi, 你有考慮過做辭工做全職媽媽, 你真係好偉大呀~
回覆刪除我都有你的煩惱, 需而我現在還未有bb, 但我同你一樣不喜歡家中有多個工人, 自己奶奶或婆婆都唔會幫我湊 (我呀媽仲成日叫我唔好咁早生tim ) , 我真係好羨慕好羨慕人地呀媽會幫手湊外孫, 因為只有自己人湊才真正安心, 我成日都會諗点解人地呀媽咁偉大, 自己嗰個唔係‧不過算啦, 我呀媽根本唔like 湊仔, 我同我細佬 細個嗰時都係自己照顧自己
唉, 要辭工做全職媽媽我都想, 可惜得番老公一份人工會唔夠~ 我知 育嬰園如果bb 有病時, 會唔俾bb 番學, 個時我又無人同我接, 我都諗唔通呢個問題, 好似好多野唔知点solve, 拖下多一兩年, 睇下点先算‧
Hi, 你有考慮過做辭工做全職媽媽, 你真係好偉大呀~
回覆刪除我都有你的煩惱, 需而我現在還未有bb, 但我同你一樣不喜歡家中有多個工人, 自己奶奶或婆婆都唔會幫我湊 (我呀媽仲成日叫我唔好咁早生tim ) , 我真係好羨慕好羨慕人地呀媽會幫手湊外孫, 因為只有自己人湊才真正安心, 我成日都會諗点解人地呀媽咁偉大, 自己嗰個唔係‧不過算啦, 我呀媽根本唔like 湊仔, 我同我細佬 細個嗰時都係自己照顧自己
唉, 要辭工做全職媽媽我都想, 可惜得番老公一份人工會唔夠~ 我知 育嬰園如果bb 有病時, 會唔俾bb 番學, 個時我又無人同我接, 我都諗唔通呢個問題, 好似好多野唔知点solve, 拖下多一兩年, 睇下点先算‧
[版主回覆11/13/2008 11:23:00]我初初都有你既諗法,點解佢地一早就話唔湊,不過諗真d其實咁都好既,始終大家方法可能唔同,到時有意見都好麻煩架~
咁個d放假日子都要搵長輩幫下手,一日半日都應該ok既~
原來要咁早排定。。。你真係好有計劃呀 ！
回覆刪除我都有諗過。。。不過一切都太遲喇！
放心啦～個小朋友係你地的， 你地作為父母當然比其他人都緊張小朋友～
其他人（就算係長輩）的說話聽左就算喇～雖然我都知有Ｄ難度。。。
Anyway，我支持你呀 ！
[版主回覆11/13/2008 11:26:00]你都請左個唔錯既褓姆啦,唔使擔心喎~
我覺得生唔係最難 湊大bb先係最難 育嬰園既安排只係開始 努力啦
回覆刪除[版主回覆11/13/2008 11:27:00]係呀,教係最難既~
BB噤細個點羅書包??
回覆刪除[版主回覆11/13/2008 11:26:00]個書包係擺家d衫仔,尿片/奶樽以備不時之須既~
咁當然係家長拎啦~
係喎，日頭又要返工，夜晚又要揍B，你頂唔頂得到架?
回覆刪除[版主回覆11/13/2008 11:27:00]宜家24小時都係咁,我諗到時應該無問題既~
嘩原來咁早要排定的, 支持你的選擇呀, 我都覺得是最好的安排!!
回覆刪除[版主回覆11/13/2008 11:27:00]係呀,我驚無位就麻煩麻~
你可以放咁耐產假嘅?好正!
回覆刪除估唔到育嬰園要排咁耐先有位,仲要interview!
[版主回覆11/13/2008 11:48:00]我請多左4日annual,所以12月先返工~
係呀,少位麻,所以要排lor....而且要健康先收~
好少朋友選擇育嬰園。地點多麼？
回覆刪除[版主回覆11/13/2008 20:14:00]係呀,比較少人咁做...地點唔多架,我搵個間係太子~
如果比我，方案一係最理想o既，不過唔返工又點得？
回覆刪除至於方案二同三，我都唔會考慮。
原來仲有方案四，對育嬰園真係唔多清楚，不過都係一個好方法o黎o既。
[版主回覆11/13/2008 20:16:00]除左方案一,我覺得呢個方案係最好架啦~
放工又要湊囡囡其實都係一種樂趣，當你見到囡囡時咩攰都會唔記得，囡囡仲唔會唔跟你。 D BB 細細個好健忘架，唔見連續兩三日就唔肯跟你。 所以我囡囡果時就算我點攰，我都會日日湊返屋企，令願第二日再湊佢過去婆婆到。
回覆刪除[版主回覆11/13/2008 20:16:00]我就係唔想個女唔跟我,所以夜晚都係自己湊番~
OH!!我直頭唔知有育嬰園呢樣野添播...啱啱睇完D資料, 真係幾好播!!
回覆刪除[版主回覆11/14/2008 00:06:00]係呀,其實我覺得唔錯架....
我自己都真心覺得有工人係度, 真係做乜都唔方便, 不過最後都請左工人, 因為同跟奶奶同住嘛, 鐘唔鐘意都好, 起碼都有個人幫下手睇住
回覆刪除[版主回覆11/14/2008 15:38:00]我明白好多時都係身不由己既~
希望妳一切都順利 小abby又很快適應育嬰園的生活~~
回覆刪除[版主回覆11/14/2008 15:38:00]多謝~
早一點接觸多些人, 抵抗力真的會好一點!! 希望你囡囡會好快適應啦!!
回覆刪除[版主回覆11/14/2008 15:39:00]係呀,我宜家都有帶囡囡出下街架~
請問育嬰院資料係邊度有得睇呀?
回覆刪除thanks
[版主回覆11/15/2008 00:09:00]社署網頁有個list既,所有育嬰園/幼兒中心/幼稚園都有列出黎~
保護兒童會搞既育嬰園就可以睇下面條list
http://www.hkspc.org/centre/daycreche/index.htm