ETnet舊同事探訪

終於都輪到ETnet舊同事黎探我同囡囡啦...今次仲齊晒人添,千禧年代既研究部同事就係我地呢班人馬啦(除左唔關事既老公)~

囡囡保持一貫作風,任抱唔嬲~~就算好似伴郎哥哥抱到咁雞手鴨腳囡囡都保持得體,只係出現唔舒服既表情並無喊到呢~人人一張抱B照,永不落空架,就算幾咁驚抱BB既都可以成功影到張相...哈哈~

當然最重要係見到得高望重既Auntie Esther啦,佢係令我同吳生可以相識既人物...老公成日都話Auntie Esther影響左佢既下半生~~~

大家見到囡囡都話似吳生,餅印一樣...仲誇到話抱住囡囡好似抱住左吳生咁,真搞笑~

仲有要多謝大家既禮物...不過我在此呼籲大家唔好再買尿片啦,M碼還可以,S碼就真係唔好啦~