本來係約左上星期六既,點知原來老公已經約左佢既大學同學,所以我班小學同學就延遲到今日先上黎....
原本佢地話好多人上黎既,點知有人病左唔敢上黎驚傳染BB,有人要返工趕唔切,有人去左旅行撞期...結果就得番4個,不過唔緊要啦...雖然人唔到,但禮到,真係多謝晒~~~
大家又輪住抱囡囡影相,囡囡照舊歡迎無喊....不過後黎有d眼瞓,所以發左少少脾氣,不過都無大喊,一陣間就瞓左....
今次除左黎探我同BB之外,仲係我地既糾察隊長派帖呢...雖然婚宴個日就係囡囡雙滿月既日子,不過我都會去飲既...咁多年同學點都要去賀下佢啦~
大家閒話家常咁就過左2個鐘,佢地仲有下場就係去糾察隊長係元朗既新居玩同BBQ...雖然我都好想去,而老公都鼓勵我去玩下....但係我又點放心老公一個湊住囡囡呢,所以最後都係無去到,留番係屋企...等去飲個日先再傾過啦~~
講真，畀著我都唔放心得老公一個揍阿B，因為我知道佢一定搞唔掂
回覆刪除[版主回覆11/09/2008 22:31:00]其實我係驚老公太辛苦...不過老公話我信佢唔過喎...所以我決定以後俾多d機會佢湊囡囡...哈哈~
你不在，BB喝預先冰好的人奶麼？
回覆刪除[版主回覆11/09/2008 22:32:00]我知我會出街前一定泵定一樽人奶既...如果唔夠,雪櫃我都有儲備,所以唔怕無奶飲~
原來thomas yeung 係你小學同學?! 佢係我同事來的 香港真細小~~
回覆刪除[版主回覆11/11/2008 16:31:00]啊,佢有同我講佢同事生左個囝囝同我囡囡同一日出世,原來就係你呀~~
咁你會唔會去飲佢個餐呀?如果係到時咪可以見到你lor~