蝴蝶‧樹 姊妹探訪

蝴蝶‧樹 班姊妹(因為大家都係蝴蝶‧樹影結婚相而認識)已經好耐無見啦,對上一次聚會已經係07年3月既時候,個次係探我地第一位既大肚媽媽~

之前其實都想約下d聚會,我記得想約去sonia既新居玩,不過宜家都唔叫係新居啦~而資深媽媽既囝囝chester已經差唔多歲半...第二位媽媽又係生囝囝喎,就係諾諾媽啦,今日仲好勁咁帶埋諾諾出席添...諾諾11個月大,好活躍啊...不過實在太痴媽媽,諾諾媽真係辛苦晒呀~

第三位媽媽就係我啦,終於有個囡囡出現呢~不過因為打完針,囡囡都唔係太鐘意其他姨姨抱,喊下瞓下喊下瞓下咁樣~

唔知第四位媽媽係邊個呢?sonia,lulu淨係stephanie?希望快d收到佢地既好消息..下次我地可以自組playgroup聚...哈哈~

我真係要多謝大家咁有心黎探我同囡囡,之前chester同諾諾都搞唔成探訪,abby真係多人錫呢~多謝諾諾媽既禮物,仲有其他姊妹既大利是~