第一次食意粉 ~ 芝士蛋汁燴菜心龍躉意粉

今日我煮左全新口味俾囡囡食, 就係芝士蛋汁燴菜心龍躉意粉啦!!!

哈哈,好似煮俾自己食既意粉咁呀,不過係一滴調味都無落既,為此意粉汁用上了芝士、蛋汁以及龍躉魚製成,再加上菜心就完成...雖然無調味,不過對囡囡黎講應該係人間美食....因為囡囡食完第一啖意粉之後出現前所未有的扭食情況,比平時食粥仔更心急呢~

其實煮意粉係為左試用she.com提供既麵剪器(麵剪器用後感將另篇發表),不過係煮意粉時我都將意粉扭斷一半先煲以縮短意粉長度,又比平時煮意粉用多了時間,之後再焗下,務求將意粉煮得軟身一點,彈牙的意粉不適合現在的囡囡吃呢~

雖然用了麵剪器,不過整碗意粉也不是剪得很碎,依然夾雜一些比較長的意粉(如再煮我會將意粉預先扭斷4段)...餵食前也擔心囡囡是否吃得到,原來真的不要少看我們的寶寶,這一碗意粉完全給囡囡吃得光光,連所有芝士蛋汁都喝光呢,好厲害....細碎的意粉囡囡吃時當然沒有難度,長的意粉如正正在門牙位置囡囡懂得咬斷再吃,就算沒有咬斷,原來囡囡會將長長的意粉慢慢啜入口中來吃呢,很順利的就KO了這碗意粉~

明天就要看看囡囡的便便有沒有排出長長的意粉,如果沒有的話就應該是完全沒有消化上的問題了~