611的晚餐 ~ 韓式泡菜炒飯

今日去旺角training,唔使返公司呢...lunch time仲走左去搵阿爸食飯添,very nice~~

本來打算上完堂就去買餸既,點知落堂時收到老公電話確定嬰園都跟隨政府指引停課兩星期...哎呀,點算呀...我同老公邊有咁多假呀~~

心情頓受影響,唔想去買餸lu.....結果直接行番屋企,心中不斷盤算應該如果安排這兩星期~但又要諗下今晚食咩喎...哈哈,結果決定整泡菜炒飯,一番到屋企就煲飯,醃好尚餘的半盒免治豬肉,將一條香草蒜蓉腸切粒....準備功夫做妥就等吳爸爸同囡囡番屋企~

同囡囡玩下,餵佢食粥仔,同佢沖埋涼,未夠8點就瞓左啦~~於是開工炒飯,新鮮煲既飯係無冷飯炒得咁分明架啦....不過今日d飯都焗左好耐,算係乾身,勉強合格....而味道都唔錯,用泡菜黎炒飯係好味過用黎炒烏冬呢~~