好耐無整新口味俾囡囡食啦...因為開始重覆之前煮過既粥仔~
今日我終於煮左個新口味俾囡囡食,就係芝士肉碎粥啦~
睇左唔少嬰兒食譜,不時都會見到用上嬰兒芝士....但係我搵極都唔覺有得賣嬰士芝士呢樣野...終於上BK討論區搜尋下,原來好多人都係買笑牛牌原味芝士粒俾BB食既~
終於今日係超市買左盒啦,一盒15粒,承惠$24.5,平均$1.6一粒架~
呢碗粥落左一粒,嘩,好香既芝士味呀...芝士迷既我都忍唔住食左啖,俾得BB食果然味淡,同我平時食既芝士味道都差好遠,但係我都覺得好唔錯呢~
囡囡雖然就無搶住食,不過都好快食晒成碗~~
我都知BB 而家可以食芝士..但係就唔知可以食邊D 呀!
回覆刪除你知唔知有乜芝士係BB 唔食得呀?
[版主回覆06/05/2009 21:49:00]我見話唔好買d低脂呀高鈣呀呢d芝士,總之買最原味無任何添加既就應該ok~~
香港d人就買笑牛牌多,或者好似有隻bqq...你個邊有無呀?
我都唔知點解宜家d芝士咁貴......
回覆刪除[版主回覆06/05/2009 21:49:00]芝士一向都係貴架,不過我又真係好鐘意食,所以都會照買~
bb 幾大先可以食芝士架??
回覆刪除[版主回覆06/05/2009 21:50:00]我見d食譜8個月開始好多都會加芝士架,其實細d都可以食,不過我諗8個月會好d啦~
笑牛牌有呀! 就係呢度d 芝士太多種類, 搞到我都唔知可買邊種..
回覆刪除[版主回覆06/05/2009 23:35:00]咁你就買原味啦~~
我都想買芝士比curtis食的, 多謝介紹, 我就係唔知買邊隻好! 近來, curtis唔知係唔係熱定食厭左粥仔, 唔係好開胃咁, 所以我都想攪下新意思!!!
回覆刪除[版主回覆06/06/2009 15:09:00]係咩,abby又無咩影響喎...只係有時食耐d就有d唔專心,不過so far都可以食晒成碗~