呢期好多媽媽都引入子母粉俾BB食,其實我之前都已經有類似既諗法,不過就打算係切碎d意粉既...不過見子母粉細細粒唔使自己切都係一個好選擇,加上咁岩係超市見到有得賣,所以就買左一包返屋企勒~
原來呢隻子母粉d子母真係好細粒,比子母罐頭湯既子母粉仲要細~~第一次煮諗住好似平時煮意粉咁樣,不過d水滾晒d子母粉好似都未淋,於是就焗住佢先啦...原來焗一陣就得,後來先知原來其他媽媽係話用保溫壺黎焗就ok架啦~
之後就煩湯底既問題,結果第一次我都係就咁用清水算,囡囡都照食可也,真係乖勒,哈哈~
之後我覺得子母粉係西式野,用黎配西式芝士應該比較岩key既,於是就用左芝士湯底...好香,囡囡都好鐘意食,不過子母粉應該係比平時煮既粥仔飽肚既...同粥仔同一份量,但係食到尾時囡囡可能已經飽,食得有d唔專心,不過都算係食晒既~
除左芝士,我今次買左青衣柳,貴野呀,2塊就要廿蚊架啦~
其實呢款新口味都已經食左幾日架啦,so far都ok...不過比起粥仔就乾身d,食完要俾囡囡飲番多d水先得~
芝士湯底係咪放d芝士落去得啦?
回覆刪除[版主回覆06/24/2009 13:12:00]係呀,就咁放芝士落去咋...如果你有奶粉,我覺得可以加d奶添~
不過就算唔加,d湯底都好似奶咁架啦~
我都想問芝士湯底即係點?
回覆刪除我係買佐 babyfood 果ｄ字母粉咋。。都仲未試呢
[版主回覆06/24/2009 13:13:00]哈哈,我就係就咁放入去d水到咋...不過我唔係用好多水~
好好味咁樣喎 ~
回覆刪除[版主回覆06/24/2009 13:13:00]其實都真係幾吸引下...你都俾豬豬試下啦~
你都培養緊你個女做芝士怪 haha
回覆刪除我煮字母粉會連埋d菜 (咁自然就會有菜湯啦 haha)
[版主回覆06/24/2009 13:15:00]哈哈,係呀,我有呢個私心...大個左可以陪我一齊食芝士~
其實我本來買左西蘭花架,點知番到屋企發現個袋無左舊西蘭花,都唔知點解?所以就無左菜lor~
咁用邊一隻芝士呢? 幾多個月可以開始食芝士?
回覆刪除[版主回覆06/24/2009 23:05:00]我就買笑牛牌原味...另外有隻好似叫BBQ的也可以,不過比笑牛牌難買~可以睇下面條link見個笑牛牌芝士既樣 http://hk.myblog.yahoo.com/jw!c7r8kVeLBhgu0OPoDT1OLknQ9Q--/article?mid=18292
我就係abby8個月左右俾佢食既~
其實係咪要有牙先食得架?
回覆刪除[版主回覆06/24/2009 23:07:00]你指芝士淨係子母粉呀?
芝士溶左就食得,唔使有牙喎~
如果食到粥仔,其實我覺得字母粉都應該ok既~
我都想知你用邊隻芝士呀....因我都考慮緊比duck duck食字母粉呀....同埋呢隻字母粉可以係邊度買呀!!!!
回覆刪除[版主回覆06/24/2009 23:08:00]係笑牛牌芝士,普通超市都有架啦,我係惠康買既~
字母粉我就係百佳買既,不過好似唔係間間有~
Abby已可以食有味食物？
回覆刪除[版主回覆06/24/2009 23:08:00]無落味架...d芝士係買原味架咋,bb食得既~
你用邊隻芝士呀?
回覆刪除[版主回覆06/24/2009 23:09:00]笑牛牌原味
你睇 http://hk.myblog.yahoo.com/jw!c7r8kVeLBhgu0OPoDT1OLknQ9Q--/article?mid=18292 會見到個樣~
其實我唔係好明個做法...
回覆刪除將d粉出水後，加湯就食得，但唔好加太多水，係唔係咁?
如果加芝士就係放入湯，溶晒就Ok?
[版主回覆06/25/2009 22:52:00]因為我唔鐘意太多湯,少少濕濕地就夠...食完我會另外俾abby飲水,所以我只係用少少水去溶粒芝士lor...溶晒就ok架啦~
我上次都見到呢隻粉,不過怕bubi吞唔到,見abby都ok,咁我都try try先
回覆刪除[版主回覆06/25/2009 23:19:00]真係好細粒架咋,一定吞到~