其實我一直都覺得IKEA的瑞典肉丸很不錯,不時都心思思想買一包回家自己煮來吃,但一直都未有行動...今天的午飯時間終於都去買了,因為11月IKEA的肉丸減價,由每包$75減至$60,好像從未試過有減價呢...所以就去買了,再買多包肉丸汁的粉包($9),決定做今晚的晚餐~
肉丸放入焗爐以160度焗20分鐘,肉丸汁其實即係忌廉汁,用水和忌廉煮開就可以,不過家中沒有忌廉就改了用牛奶,也沒有問題...另外配上蒜蓉炒意粉,一碟正宗的瑞典肉丸意粉就誕生了...簡單快捷又美味!其實我覺得肉丸的味道有點像獅子頭(我很喜愛的家鄉菜...即上海菜),但我自己弄極也弄不好獅子頭這菜式,現在有IKEA的肉丸就可以做代替品了!
我今晚焗了30粒肉丸,本打算每人10粒做晚餐,另每人5粒放飯盒,不過老公不知是肚餓還是覺得好好味,竟然要添吃,所以一晚吃了15粒加2碟意粉,他明天就沒有飯盒了....
今餐成本大約$40(半包肉丸,半包醬汁,半包意粉),我數過一包肉丸有63粒,減價後每粒也不用$1呢,比在IKEA堂食平了一半(雖然堂食的價錢也很便宜),所以我正打算這個月去買多包做存貨~~
咁正，我明天去宜家睇下先^^
回覆刪除[版主回覆11/06/2009 12:22:00]咁抵,入多d貨~
食咁少飽唔飽架﹖﹗
回覆刪除[版主回覆11/06/2009 12:22:00]我夠飽喎~
我也很喜歡吃獅子頭呢
回覆刪除如果你住得近
真的想跟你學cooking呀~
[版主回覆11/06/2009 12:25:00]不過我煮唔到好味既獅子頭~
其實我同你屋企都唔算好遠,但係我都係跟食譜煮,呢餐基本上唔入廚既人都會煮到,所以其實都唔使跟我學,不過可以一齊煮玩下~
我都知佢今個月減價......都諗住去入貨.....
回覆刪除肉丸汁粉包係咪都喺嗰度買架.......
[版主回覆11/06/2009 12:25:00]係呀,都係一齊係ikea買架咋~
IKEA既肉丸的確好好味，所以我時不時經過都買定包係屋企看門口!
回覆刪除[版主回覆11/06/2009 12:26:00]呢個月減價喎,我覺得你應該再去入多幾包,哈哈~
好似好正woo~~
回覆刪除[版主回覆11/06/2009 12:53:00]真係唔錯架,又易煮(好似煮個公仔麵咁上下),你都去入番d貨啦~
等我也去入貨先~~ 是不是間間都有?! 要有餐廳的才有? 沙田的那間餐廳要裝修到12月呀~ >.<
回覆刪除[版主回覆11/06/2009 23:47:00]小賣部就已經有得買,唔使去佢間餐廳架~
咦連埋汁架好方便啊 直頭係存貨精選啊
回覆刪除[版主回覆11/06/2009 23:47:00]係呀,你個邊有無ikea呀?
佢既肉丸的確好好味~每次都要食2x粒先夠 之前都係o係沙田佢既餐廳食,不過裝修左勁耐囉 到最近cwb先有得當小食咁賣,一杯杯呢
回覆刪除[版主回覆11/10/2009 12:51:00]一次食廿幾粒咁多...咁你一定要去入番幾包啦~