終於追番晒d post啦!
因為囡囡病了,星期日流鼻水,咳嗽,而且右眼常流眼水...聲音還有點沙啞呢!那天我和囡囡都沒有出外,囡囡在家休息,而我除了照顧她還開始大執屋!因為之前在永安買的2個桶櫃終於都送來了,於是就開始整理吳家...做了大半天,總算有點成績,但要將現在的書房變做囡囡房還需要多些時間,希望農曆新年前能夠完成!
星期一囡囡有點發燒,於是我就請了一天假...早上帶了囡囡去看醫生,醫生說在空氣感染細菌令右眼和喉嚨發炎,鼻水則是鼻敏感的關係...由於發炎是不能靠囡囡自己好起來,所以要吃抗生素...不過吃了2次已經好多了!
喉嚨發炎最好還是有點湯水,所以今天我特地煲了青紅蘿蔔粟米湯($12),囡囡很愛喝呢...我和老公也很久沒喝自家湯水了,所以竟然一口氣喝完了這鍋!
除了湯料是買的,我沒有再去買餸了...所以只煮了
肉丸粉絲煲 ($17):味道太似新年吃的獅子頭粉絲煲了,好好味....IKEA肉丸實在好!
肉碎炒蛋($9):今天先炒肉碎再下蛋,味道好像和先下蛋後加肉碎感覺不同...這次好像比平時更好味!
有湯有煲仔菜,很溫暖的一餐飯!
個煲粉紅色，好靚喎！
回覆刪除Abby好番o西未呀！
[版主回覆11/18/2009 13:47:00]好番好多啦~
你執衫時abby有無搞搞震呀
回覆刪除[版主回覆11/18/2009 13:48:00]咁又無,因為一係去左瞓,一係自己玩玩具...如果唔係我就要停手陪佢玩~
見到你煮的食物好好咪啊~ 都好想食啊~
回覆刪除受天氣影響, 好多小朋友都病, 你間育嬰園會幫手餵藥嗎?
[版主回覆11/18/2009 13:49:00]會架,abby間嬰園可以帶藥俾佢地餵架~
我懶, 好少煲湯, 剛剛的星期六也難得地煲了紅蘿蔔合掌瓜粟米豬骨湯
回覆刪除多謝你在facebook的通告, 剛買了特價Ikea肉丸, 開心開心!
[版主回覆11/18/2009 13:50:00]我咪又係勁懶煲湯,希望呢個冬天可以煲多d~~
我仲想買多包ikea肉丸,之前個包應該煮多一次就食晒~
粉紅色心形LC煲好靚啊
回覆刪除[版主回覆11/23/2009 13:26:00]所以最後都忍唔住買左~
令多d湯好吖,你得閒煲多點,尤其冬天可以滋潤下.近排我屋企都係煲雪耳湯啊
回覆刪除可能我由到大下午都會有湯飲(滾湯),夜晚日日都有湯飲,有時煲有時滾,所以有一天沒有湯飲很不怪,罐頭湯或麵鼓湯都殺呀
[版主回覆11/23/2009 13:26:00]其實我都鐘意飲湯,但真係懶,哈哈~