正所謂塞翁失馬焉知非福,剛剛才因為老公弄花了我的粉紅色LC煲而痛心疾首,但今天我為擁有了這個粉紅色心形LC煲而快活像神仙!!!
或許真的是上天的安排,上次5月sogo thankful week買不到限量的心形Antique Rose非常遺憾,但我已沒有再去想,因為16cm Antique Rose round和25cm Antique Rose oval也足以令我滿足...半年間,16cm Antique Rose成為了我的好拍檔,可惜就給老公毀了容...
在我傷心之時,原來sogo thankful week又到了...今次心形Antique Rose再度登場,本來已不打算再買LC煲(因為想買其他LC款式)的我又心癢癢,加上老公為了賠罪極力遊說...難得老公開金口支持,我也恭敬不如從命...結果星期六一早就去敗了個心形Antique Rose了!
我是sogo還未開門就已到達,開門後上到LC專櫃,發現已經有人龍,很恐怖(已經是一開門的時間啊),聽聞今次thankful week限量100個心形Antique Rose,比上次多了50個,不過每天送多少個來就不知道....這天就沒有18cm的貨!排隊時還要拿籌呢,多誇張!
心形呀,心形呀...真的很漂亮呢!價錢和上次thankful week相同,折後$1238...因為abby代母在sogo工作,用了她的員工卡找數可再有9折,最後只要$1114!
帶著愉快的心情回家,順便買了買二送一的榮華臘腸,我要做煲仔飯呀!
太靚喇! 靚到...我會唔捨得用囉!
回覆刪除[版主回覆11/18/2009 13:29:00]咁我又唔會唔捨得用,不過就好小心咁用,哈哈~
恭喜妳找到心頭好~
回覆刪除[版主回覆11/18/2009 13:30:00]心形真係好靚...我諗你轉staub都唔會唔要佢架
haha, 恭喜~~
回覆刪除[版主回覆11/18/2009 13:31:00]哈哈,不過今個月使左好多錢....
你係 cwb sogo 定 tst sogo 買呀 ? 我 friend 係 tst 買唔到呀...
回覆刪除[版主回覆11/18/2009 09:35:00]要去cwb sogo先有架,tst sogo無廚具賣架~
我剛剛去過sogo, 除左粉紅色最細size冇晒外, 其他都有好多貨, 包括心型, 我真係心大心細, 唔知買唔買個心型好, 因為已經好幾個LC, 仲買...好似太多.....
回覆刪除已有:
20cm 粉紅色 (煮小小野時用)
28cm oval 橙色 (炆多多野時用)
25cm Square 焗pan (煎完再焗,或焗食物用)
20cm Omelet Pan (貪佢係另一種物料, 爆香料特別香)
基本上有左呢幾個, 整乜都得, 但心型......又好似好吸引咁, 頭先已經忍左手, 今晚再去look look先決定買唔買........
[版主回覆11/18/2009 13:33:00]我諗心形真係同20cm差唔多,好在我只係有16cm round同埋25cm oval...多個心形都唔算重覆,岩岩好...另外就係個25cm grill pan啦~
你講既square焗pan係咪即係grill pan呀?
omelet pan係點架?
好靚好靚, 恭喜哂呀, 塞翁失馬, 換來多一件心頭好呢
回覆刪除[版主回覆11/18/2009 13:36:00]你搵到新屋,我資助你少少買個LC煲呀.....
一上去就有人龍，真係好誇，好彩你買到！
回覆刪除[版主回覆11/18/2009 13:36:00]咪係,成層得佢個專櫃有人排隊~
我都好想要呀...本來諗住去買, 但去到sogo 見d 人山人海, 放棄了....
回覆刪除[版主回覆11/18/2009 13:37:00]你早D講我幫你買多個麻~
我都買咗個嚟煲殘忍飯.......
回覆刪除[版主回覆11/18/2009 13:37:00]宜家煮最岩~
好靚呀！我一直有睇你的blog，見到你時常用焗爐煮食。我最近想買焗爐，請介紹你是買那款焗爐 (請提供牌子及model no.)。謝謝！
回覆刪除[版主回覆11/18/2009 21:36:00]多謝支持~
我屋企個部焗爐係giabo,不過model no.真係唔記得(亦搵唔到),因為都用左好耐....或者你可以睇下delonghi既焗爐,好多煮食高手都係用呢隻,你都可以考慮下~
個煲粉紅色好靚呀!!
回覆刪除[版主回覆11/18/2009 21:31:00]係呀,我屋企宜家有3個粉紅色煲,哈哈~
嘩, 感動中!!! 我暫時都係唔捨得買呀, 或者等我煮多一兩年, 要求就會不斷改變啦!
回覆刪除將來搬左屋, 首要係買焗爐, 不過而家連瓦煲都未買! (完全冇位放) 剛買了電磁爐來打邊爐, 都已經唔知收係邊度好
[版主回覆11/18/2009 23:29:00]唔捨得買其實好正常,特別係踏出第一步係好困難,但只要試過就會不能自拔...所以我一定會資助你買第一個(資助咋喎,唔使咁感動),一齊加入呢個行列,哈哈~
你有無微波爐?其實焗爐比微波爐好用,二選一要焗爐啦~
個保真係好靚ar...其實同其他保有咩分別ga....？
回覆刪除[版主回覆11/19/2009 00:27:00]分別就大啦,傳熱快而且能鎖住水份,用黎炆野真係一流架~
25cm Square 焗pan = Le Creuset Cast Iron Square Dish, Volcanic, 25 cm
回覆刪除成個pan的物料, 係同普通LC煲冇分別, 當然可以直火燒, 又可以入焗爐, 因為佢個size超好, 可以先用明火煎香食物, 再立即放入焗爐, 因為易潔塗層, 用完好易清洗, 以後屋企唔洗再買鍚紙, 超環保 ~
另外, 因為佢耐熱, 我鍾意用佢黎打邊爐或sukiyaki, 用超細火就ok, 連gas都慳唔少
最重要係.....上次大減價(我見到你果日)買ka, 減左價只係280元, 真係平靚正之選呀
[版主回覆11/19/2009 11:50:00]啊,咁我知你講邊隻啦...但係你唔覺白底用黎煎野無佢黑色底(好似grill pan)用黎煎野咁好咩?
煎扒Grill pan會好d, 可以打格仔ma ~
回覆刪除我果只pan 呢....如果整焗豬扒飯, 我會用佢黎炒飯, 放上豬扒, 焗汁, 芝士, 之後就成盤攞去焗就攪惦, 好方便囉。
嗨！我之前因爲不小心search到你的blog,看到關於用LC鍋煮粥，很令我驚訝它的神奇，所以開始search關於LC。結果一發不可收拾。漸漸愛上它。哈哈。可是，我還是很理智的等，希望有sales的時候才下手。Sogo Thankful Week的第一天，和你一樣，Sogo未開門我就去排隊。大概9.45am已排隊。可是上到去的時候竟然已有長龍。下了一跳！然後我就排了一小時的隊，靜心等候買心頭好~心型鍋啊！一小時半后，扛著重重的心型鍋和grill pan囘家。我住屯門哦！哈哈。
回覆刪除回家后，我馬上撕掉帖紙，用WD40小心的擦掉帖紙的膠印。還給Grill Pan上油。開心的致電老公。結果... 原來老公托他的朋友從國外買一個Staub心型鍋給我做結婚周年禮物(之前一直吵要個Staub紅心鍋)。怎麽辦？我不需要兩個心型啊！
有沒有人要 Le Creuset Antique Rose 心型煲 啊？我 完全 沒用過 ，只是撕掉了鍋上的帖紙 。各位請幫幫忙，問一下你們有沒有朋友要好嗎？
謝謝！
[版主回覆11/23/2009 13:13:00]其實要放都應該唔難既,你可以試下去D拍賣網賣啦~
個天好似注定你老公要賠返個煲俾你咁喎．．．
回覆刪除個煲真係好靚 ,心+粉紅,我都好鐘意呀,不過好貴,但對於你成日整美食既大廚黎講就好抵 ,對於我就side啦~
[版主回覆11/23/2009 13:13:00]係呀,買左要用先好....長遠計係抵用既,哈哈~
終於買到心頭好實在太好啦!又可以用新煲煮多d新野和好野食,yeah
回覆刪除鬼咩,次次有呢d筍野,呢間公司都會登廣告,搞到好多人排.
[版主回覆11/23/2009 13:14:00]係呀,LC真係promote多左~
心形LC煲真係第一次見咋
回覆刪除[版主回覆11/23/2009 13:14:00]所以係特別情況先有得賣~
靚就係靚, 但真的好用嗎?
回覆刪除[版主回覆11/25/2009 12:38:00]我覺得很好用~
聽你咁講, 攪到我都想買番個靚靚煲黎用tim (係永安買個D都唔平架)
回覆刪除[版主回覆11/25/2009 13:27:00]係呀,其實質素好d既廚具都係咁貴~
我上佢個website 睇, 點解無粉紅色既?
回覆刪除[版主回覆11/25/2009 13:33:00]粉紅色係限量版呀~
thanks!!
回覆刪除[版主回覆11/25/2009 13:41:00]you're welcome~