12月10日,星期五
在兩父女的夾供下,我終於都被傳染了喉嚨痛!今次唔想拖到好嚴重先去睇醫生,所以今日就去見醫生順便放日病假休息下!
有時間當然就要煲湯煮飯啦!不過屋企尚有不少豆苗($5),於是決定包雲吞,還可以準備親子廚房環節(另篇詳述)溫馨下!
有件事要記低,話說昨晚下班回家到樓下裕X買了包雲吞皮($4),收銀阿姐望下我然後問"你咁斯文,買左番去係咪識整架?"....我聽到先是有點愕然,然後就覺得好好笑!首先真係要多謝阿姐話我斯文,咁即係表示我唔似師奶,哈哈哈!不過斯文唔代表唔識包雲吞既...於是我就答佢話"當然識",真係好搞笑!
今次一共包左28隻豆苗豬肉雲吞,餡料味道不錯,只係雲吞皮太厚(雖然上海雲吞皮厚好正常,但都係厚得滯!)
另外因為一家三口都係咁咳咳咳,我就試下買個鱷魚肉湯包加豬骨煲湯!味道有些少甘甘地,我覺得都可以....但係囡囡似乎唔太鐘意甘苦味,唔多肯飲!好在我細細匙慢慢餵佢都飲到一碗,算係咁啦!要知道呢煲湯都唔平,湯包$35,豬骨$13,成本都要$48!不過當然可以飲好多日,哈哈哈~
我想問下鱷魚肉湯係咪有少少甘苦味呢?還是可以落d咩調一調味會好飲d?
你每餐噤精打細算 好佩服啊
回覆刪除[版主回覆12/13/2010 12:05:00]無辦法,多左個女真係開支好大架~
我通常會連埋川貝一齊煲，又無咩甘味喎。不過你落13蚊豬骨咪好少？
回覆刪除[版主回覆12/13/2010 12:04:00]唔少架,因為係特價左,本來位廿幾蚊既豬骨黎架~
鱷魚肉湯D味係怪怪地咁... LEE個湯得覺得好難煲得好飲 通常我都係去鴻X堂攞,順便比埋阿仔飲 :)
回覆刪除[版主回覆12/15/2010 00:07:00]咁我下次試下買黎飲,如果好味d我就唔再煲呢款湯~
煲一個老火湯真係唔平咖 , 囝囡唔鍾意飲......所以我都係滾湯多!!
回覆刪除[版主回覆12/15/2010 00:09:00]係呢個湯貴d,下次都係煲番平時個d算...abby咩湯都鐘意飲架,不過我自己就唔多鐘意滾湯,所以我一煲就會煲老火湯~