12月29日,星期三
囡囡的學校28和29日仍是聖誕假期!由於我和吳爸爸的假期已經買少見少,所以還是決定這2天將囡囡交由嫲嫲照顧!可惜奶奶每次都是好心做壞事,這次就令囡囡皮膚敏感了!
我們並沒有要求奶奶幫囡囡沖涼,但她總會和囡囡換衣服,這次更幫囡囡洗白白!本來也沒為意,但是晚上囡囡就開始痕癢,我想應該就是對大人用的沐浴露有點敏感吧!結果我們漏夜起來幫囡囡再沖涼才可以讓她安心睡覺,可是一雙腿和一對手就已經抓到像沙紙般粗糙!我和吳爸爸的手腳比她還要滑好幾倍!真的令我很心痛!
總覺得這些問題可以避免發生,就是因為不能親自照顧才弄成如此情況!這兩晚也因此回奶奶家吃飯!雖然不用自己煮晚飯,但回家的時間就是晚了,感覺比自己回家煮飯更少了時間...我不喜歡這樣的日程!讓我覺得沒有了自己的家,感覺很差~
我想我是要自己經營一個家的人,縱然辛苦卻是我所喜愛的!很希望能把吳家經營得好一點!可是我卻在擔心囡囡升讀K1時的景況!!
這個2010年尾讓我心情一直低落,很大的無力感,唉~~~
加油吧! 絕對明白你現在的心情, 雖然未能幫得上甚麼, 但我也相信事情最終會得到解決的, 給你一點正能量!!!
回覆刪除[版主回覆01/03/2011 23:44:00]多謝curtis媽....希望可以如我所願就好啦!
如果真係同奶奶唔夾，有時搵下媽媽幫手得唔得？
回覆刪除[版主回覆01/03/2011 23:46:00]其實最重要唔係奶奶或是我阿媽,係我唔想搵佢地湊....而且我媽其實亦唔多願意幫手,路程又更遠呢....
好明白你的無力感... 我也是不願意給奶奶及媽媽湊, 總想親力親為...
回覆刪除過去的年半, 一一病或放假, 全都是我或老公請假湊她的... 不過好似你地咁, 因為AL無咩剩, 在11月一次一一病, 同剛剛的假期, 都好不願意叫了媽媽奶奶來湊...
其實, 我都一直想問... 點解k1你都會選擇半日? 除非你做全職媽媽啦, 否則你都要找老人家幫手啊...到時不能控制的更多... 感覺上你都是跟我一樣希望自己全權control女女的教養的... 所以我不太明白你會捨得考慮半日...
我明白你選的一些心儀學校都是半日, 她似sc 咁, 人家是半日真的沒有辦法, 但...入讀心儀學校好一點, 還是自己control教養重要一點? sorry, 不要覺得我多事... 只是... 一直覺得我跟你在這方面似一點, 都是不喜歡把女兒交外人湊.... 所以只想分享一下感受~
[版主回覆01/04/2011 11:54:00]其實我對半日制都好掙扎,不過我覺得K1係開始真正學習既時間,3歲已經唔細,唔可以因為我自己既照顧方式(prefer全日)而不考慮課程和升學問題!
當然我並不覺得全日制的學校不及半日制,但感覺全日制的學校在語文學習上(特別是英文)反而不及大多數的半日制...其實我唔想用假期去上有關學術既興趣班,如果學校係有足夠師資係呢方面,我好想安排佢係學校學就夠,呢個係我特別鐘意SC既原因!至於其他報考既半日制就係因為一條龍既關係,因為我知道幾年後考小一時的情況會如何瘋狂,如果有一條龍係手,無論到時考直資/私立與否,自行分配能否成功,感覺都有條不錯的後路,作為家長我相信安全感會大好多...而且全日制的好處主要都是訓練自理,而ABBY係呢方面經過嬰園同N1學習,基本上都已經非常掌握,我覺得係時間將於學校的學習重點轉向現時我比較忽略的學術層面...這些一切都是我報考半日制當中的因素....幼稚園在我看來和嬰園及N1作用是有所差別的....
當然不論情況如何,家庭教育才是最重要!但我不覺得這與讀半日制學校有抵觸(當然只是暫時覺得,實際情況如何還是未知之數).......我覺得3歲基本性格已經形成,最理想當然可以事事由我教育,但如未能也是小朋友學習的一種經歷,世界原是有很多不同的準則...我相信只要我表明立場,貫徹地讓她知道什麼是正確,她是可以理解的!現在很多時abby都知道嫲嫲做不了她的靠山...嫲嫲只是一個暫時的照顧者...當然我是積極的說服吳爸爸讓我做FT媽...
雖然我未安排好如果K1返半日的安排,但無理由因此就完全放棄唔考,所以都係考左先算,收左先再從詳計議!不過暫時有offer的都是全日制...我亦唔排除就算有半日制收左,最後諗唔掂都係讀番全日制,但肯定的是現在讀的那一間是不打算直升的了!
啊... 明白了...
回覆刪除其實最重要是選一間適合的學校給囡囡~ 不過話雖如此, 有時我都不知怎去決定適合不適合~ 似乎都係睇家長要什麼~
加油啊... 努力爭取做FT mama啦...
[版主回覆01/05/2011 13:19:00]係啦,就係想搵到一間適合的學校...不過我都覺得好在乎家長既要求係咩....
我相信一定有成為FT媽媽既一日,只係要等到幾時就真係唔知啦.....
努力呀!一定諗到方法解決呀!!!!!
回覆刪除[版主回覆01/12/2011 11:01:00]係,會加油~