北海道鮮奶燉蛋白

12月15日,星期三

囡囡基本上什麼都愛吃,其中對布丁,燉蛋,燉奶之類極為喜愛!前天冬至飯就吃了一大碗雙皮奶,所以一直打算弄個鮮奶燉蛋白給她!

在超市剛好有盒北海道3.6牛奶因尚有個多星期到期而特價售$20,於是便買來做這個甜品!做法很簡單:

材料:北海道3.6鮮奶400ml, 蛋白3隻, 糖3湯匙
1.鮮奶加熱,將糖加入,攪拌煮溶,離火放涼(不要讓鮮奶滾起,我自己就座熱水去煮溶d糖)
2.將蛋白打好,放入已涼的鮮奶內攪拌
3.用隔器過濾蛋衣及泡
4.放進容器內用微波爐保鮮紙/錫紙包好,隔水中火燉15-30分鐘即成

想再吸引囡囡多d,所以將動物牙籤插係燉奶中做裝飾(順便可知道燉好未,哈哈)...都幾得意呀!本來病緊無咩心機既囡囡見到呢幾樣動物燉奶即時笑番呢!之後仲選左猩猩燉奶黎食!

無胃口的她竟然都可以吃光一樽呀!這實在太好啦,起碼病緊都肯食下野,唔係會仲擔心麻....所以真係要花d心思整野俾佢食呢~

今晚一共燉左7樽,平均每樽都係$2咋(不計樽仔同牙籤)

真係平靚正!