Outback VIP night

剛過去的星期五我被抽中參加outback的VIP night,有一餐free dinner,仲可以帶多3位朋友一齊食添

事源某天老細叫我一齊去outback食lunch介紹一位新高層,食lunch期間我見檯上有張promotion話上outback網打入分店的password就有機會有一餐free dinner,咁大拿拿成$60蚊既lunch,我就番屋企上網試下啦,點知又真係被我抽到

老公就請左佢2個朋友一齊同我地去食,4個得我一個女仔,食量都應該幾大啦,不過面對outback既份量,我地都食到投晒降

是晚vip night雖然唔係full menu任叫,但都有好多野選擇..飲品要左個類似沙冰既物體,可加rum,我都係鐘意唔加rum多d...4個人所以要左4個頭盤同主菜,就係以既幾款啦

呢個係炸蘑菇,好好味架,雖然係炸但依然食到蘑菇既肉汁

~清晒

呢碟係芝士薯條,嘩,好香好好味,我地食唔停口呢~一樣清晒

呢個outback既招牌炸洋蔥花,賣相真係好靚架,味道都唔錯,不過我覺得略為咸左少少,雖然已經係第3樣炸野,不過感覺上呢碟油膩d,加上其實我地4個清晒之前2碟野之後,竟然已經有d飽既感覺,最後我地只係食左大約3/4個就算啦

上左3個頭盤之後,我地等左好耐,追左幾次先黎呢碟爆谷蝦,我覺得普通左d啦,可能已經食左太多炸野,呢碟已經無驚喜,都係食左半碟咋~~

終於上主菜啦,一上4款一齊上,呢個羊扒好唔錯,一人一條食得晒,底下既係飯黎架,我試左d都唔錯架,幾好味,不過仲有其他主菜,d飯就唯有放棄啦

呢個steak我地要左7成熟,都ok唔錯,好彩唔係好大塊,食得晒

呢碟combo既份量就真係嚇人啦,不過佢個rib又真係好好味,好嫩滑,之不過雞扒老公話咸左d,我就無食啦,因為實在太飽,最後條rib食左9成,其他我地就打包

呢碟海鮮意粉,我地真係無能為力,我試左少少,最後都係決定打包

除左呢餐dinner唔使$之外,我同老公聽日既lunch都已經有著落,就係打包既意粉同雞扒薯條

友人食左呢餐大餐之後無以為報決定搭的士順路車埋我地,嘩,想散步幫左消化都唔得添....結果呢餐為我同老公帶黎左3 lbs肉既重量