今日既晚餐決定煮方便快捷既湯烏冬,屋企只係有5粒貢丸咋,所以就去左ThreeSixty睇下有無咩野買黎加餸~~
於是買左包金菇($6.9)同小棠菜($10),價錢比街市買既貴左少少啦....走之時見到推廣呢隻有機大豆食物喎,好似幾得意,原價$8包,宜家$15就有3包,有好多款式架,我見好似幾抵就要左包有機豆腐麪、有機豆腐意粉同埋有機素雞肉~~
找數之後睇下張單覺得好似平左咁喎,番屋企睇清楚發現收銀姐姐3包有機食物只係收左$10咋~~
今晚碗有機雜菜湯烏冬非常豐富,而且除左個少少貢丸之外,其他一律都係蔬菜,仲有扮雞既大豆有機食品添
我特別炒過d餸架,個素雞食落口都幾似樣,不過老公依然一啖就食出係素黎既...佢仲話去味分天下玩遊戲一定贏添~~不過食得多幾舊就覺得都係真既雞肉好味好多....睇黎食素都係唔o岩我地架啦
很健康呀!
回覆刪除[版主回覆11/30/1999 00:00:00]我都好少煮得咁齋呢,一餐半餐就無所謂,食得多真係唔得呢~
好多菜呢! 我最鍾意無乜肉!
回覆刪除[版主回覆10/12/2007 23:56:00]不過我都係鐘意有肉多d
你識得炒過d野先放落去碗麵度就知你煮野有一手
回覆刪除[版主回覆10/12/2007 23:56:00]邊夠你煮得咁好喎~~
食多D菜好呀！健康Do麻！
回覆刪除[版主回覆10/12/2007 23:57:00]健康既野真係無咁好味架
呢餐好清好健康喎!
回覆刪除[版主回覆10/12/2007 23:57:00]係呀,真係好少煮得咁清呢~