因為要向朋友取回蛋糕模,所以促成了是次聚會~~回心一想,這次可是第一次真真正正我們3位第一代LA的聚會啊
先上LA2位於西環的家參觀(是LA2嗎?我記得我是LA3啊~),一屋紫色呢,而且開放式的廚房很吸引啊~~舊樓果然是很實用的,感覺挺舒服~~
自從細細妹搬來西環後,我多了很多機會來訪這區,感覺也很不錯呢,交通也算方便啊!我們3位LA最愛吃,從前也常交流飲食心得,今天LA2就帶了我們去試試第三街的BBQ店食串燒~~
整條街就是這間食店最人氣,很多人排隊呢~~可能邊傾邊等,所以也不覺得太久~~我們叫了很多串燒呢~
皮蛋粥、燒茄子、芝士丸、墨魚丸、粟米 x 3、燒雞翼、豆卜、鵪鶉蛋、焗芝士什菌、豬頸肉....還有好鮮味的珍寶大扇貝和象拔丰~~除了兩款鮮味海鮮,其他也很不錯,特別愛吃粟米,豆卜,燒茄子呢~~
這裡很多年輕人,雖然比較迫,不過唔會趕人走架...不過要有心理準備d串燒係慢慢上,想食都要預多d時間,趕既話就唔o岩啦~~食得多BBQ串燒都要下火,所以就叫左2枝菊花茶飲,味道應該係自家制既,因為唔甜架,不過我覺得唔錯喎~~今餐每人只係$67咋,好抵食呢~
食下傾下又食下,唔經唔覺原來已經10點呢,又一個愉快既晚上...希望LA1快d物色到新居,下次輪到去你屋企參觀呀
d 野食好好味wow
回覆刪除[版主回覆10/13/2007 21:42:00]唔錯架,仲幾有風味添~
啲串燒睇落都好惹味喎。
回覆刪除[版主回覆10/13/2007 21:44:00]d串燒無特別落醬一齊燒,所以都幾原味架,或者點佢既酸辣醬就惹味好多~
燒得好好味o甘喎！
回覆刪除[版主回覆10/13/2007 21:44:00]都燒得唔錯架,不過就要慢慢得~
嘩！你咁夜返到屋企仲出到blog，好快手呀！因為我靠哂你冇影相，所以將會在blog中叫大家link來睇相啦！
回覆刪除呢間BBQ LA2冇介紹錯，不過美味的代價，是回家後有一點喉嚨痛啊！
今晚真係傾得好開心，都唔覺等串燒等0左好耐。多謝你呀，我的家雖然冇咁快出現，但將來一定邀請你們上來作客呢！
[版主回覆10/14/2007 11:44:00]第日放假唔使咁早瞓咪出埋post先lor,唔想積住太多麻
喉嚨痛麻,我都好似有少少,不過唔嚴重,係有d痕咁啦~~
買/租樓咁大件事係要慢慢考慮清楚架,期待去你新居玩呢~~
下面個2張相睇唔倒, 有時間可以check吓
回覆刪除[版主回覆10/14/2007 17:37:00]係咩 但係我check親都無野喎~~