今日繼續煮,為左可以有兩個豐富便當,所以選擇左煮好大兜既咖哩薯仔雞,都好耐無食啦,雖然就無拎去焗,不過都好好味~
琴日買左一包6個裝既粉絲,所以今日又諗下煮咩粉絲菜式,最後決定煮又係好耐無煮既螞蟻上樹~~今日d粉絲炒得非常好又入味,連一向不太好粉絲既吳爸爸都食左好多...仲要未開飯就走左入廚房偷食添~
其實兩味餸都好夠,因為份量預多左,不過唔知點解我又驚唔夠,所以都係煮多一味滑蛋腸仔~
今晚實在太豐富,兩個飯盒已經放到漲卜卜,但係我地兩個仍然食得好鬼飽,不過當然無浪費,一樣食得晒
...因為今日真係煮得幾好味呢~
我好鍾意食粉絲o架!
回覆刪除[版主回覆03/11/2009 00:12:00]係呀,其實我都好鐘意食粉絲架~
好豐富喎
回覆刪除[版主回覆03/12/2009 11:08:00]係呀,所以食到好飽~
你真係犀利! 又返工又湊B又煮飯! 點可以身兼咁多職架??
回覆刪除[版主回覆03/12/2009 11:11:00]時間配合同埋同老公分工合作最重要....當然囡囡既配合都好重要,起碼佢好早就會瞓~
咖喱薯仔用o黎餸飯，真係可以食多幾碗飯呀！
回覆刪除[版主回覆03/12/2009 11:11:00]係呀,最好送餸既菜式之一
你好勁呀!! 晚晚都煮到飯, 我只係星期六 OR 日先煮飯已經好攰啦!!
回覆刪除[版主回覆03/12/2009 11:11:00]我相反,通常星期六日都有節目,唔會煮飯呢~
自己整螞蟻上樹 勁啊
回覆刪除[版主回覆03/12/2009 11:12:00]其實即係肉碎炒粉絲之麻~