上次Emax搞$1優惠,我就試左Hot Dog Formula....原來3月都一樣有$1優惠,而且仲加多左幾間食肆添...3月就黎完啦,於是我又試下其中一間啦,今次就試"豚肉飯專門店BTU",佢有2間分店,一間係Emax,一間係Megabox....哈哈,專係搵埋d人流少既地方開舖咁得意既~
張coupon係買一個set dinner加$1送多個set dinner...佢既set dinner係$35包咖啡或茶~
我就叫左個日式叉燒併炸蝦飯餐,加$1轉豆漿...另外加$1要左泡菜豚肉飯,因為呢個飯唔係set dinner,所以無飲品跟...$37就搞掂左今晚餐飯啦,都幾抵呀~
至於味道就普普通通,好一般咁lor,但係$37兩個飯都唔可以要求咁高....如果平時$35個飯呢就貴左少少勒~
不過份量都好多,所以食得好飽,唔好忘記個天使蛋糕仲未食晒呀...但係都真係食唔落,要夜d先可以食蛋糕呢~
我覺得有o的似吉野家 不過吉野家賣牛肉，呢間賣豬肉
回覆刪除[版主回覆03/26/2009 23:58:00]咁我鐘意食吉野家多d...哈哈~
本店銷售多款日本得意物品 重有大量潮B衫 得閒嚟睇吓啦... 如有打擾,敬請原諒!! http://hk.myblog.yahoo.com/arubrub
回覆刪除一兜兜咁，幾得意喎！
回覆刪除[版主回覆03/28/2009 15:14:00]但係味道麻麻地~