本來囡囡打完針,我想帶abby去join波媽既赤柱之旅~不過打完針既囡囡好似好攰,見天氣又唔多好,加上今晚又要去文化中心間映月樓飲宴,所以最後都無去到赤柱,囡囡返到屋企即刻就要眠一眠啦~
我同老公今朝食完早餐先出發去同囡囡打針既,之後返屋企,囡囡瞓,吳爸爸又瞓,跟住連我都瞓埋,結果都無食到午餐...最後我地決定去飲之前行下海港城,順便去試New York Fries做下午茶~~
其實我想試好耐架啦,不過一直無機會...去到要排隊呀,不過都排得好快...我地叫佢出名既The Works(Regular Combo) $44一齊share食~
味道無我想像中咁好味(因為我真係以為會好好食),不過其實都唔差既...d薯條好似食炸薯皮個隻feel,d醬汁都好多種,但係好似食唔出mix埋既效果,好似各自為政咁lor...不過都係好味既~而飲品可以選雀檸架~~
我諗我唔會特別想再黎食啦,因為都幾貴而又唔係話超好食個隻...不過未試過都值得去試下~
你無黎真係浪費。。。仲俾我地撞到Olimama同肥安娜呀～
回覆刪除幾時見到你呀～一大班媽媽出街街真係好爽架 ！
[版主回覆03/29/2009 12:59:00]唉,我都知我會錯過左好多野架啦~~不過琴日又真係幾大風,我驚囡囡去完赤柱番黎會勁流鼻水,到時俾吳爸爸話就唔好啦~~
我真係好想同denden有親密d既接觸呀...我到宜家都未抱過佢,我好想試下佢有幾重手呢~
你幾時再有呢d媽媽活動記住通知我,我黎到一定會帶abby黎架~
我係薯怪黎架! 可惜未有機會試呀!
回覆刪除[版主回覆03/30/2009 00:10:00]係咩?咁你下次去海港城就去試下啦~
係呀, 我地係赤柱撞到, 幾咁啱~
回覆刪除赤柱d野真係好抵, 我買咗4百幾蚊, 共有12件衫, 4條褲, 6對襪同2對鞋...超抵~~今季唔使再買啦!!! 如果亞媽忍到手的話, 好在我個係囝, 如果係囡我諗....哈哈~~~
[版主回覆03/30/2009 21:55:00]我都好想去赤柱朝聖下呢~
囡囡既話真係好多靚衫呢...我已經係好忍得手下架啦,不過每個月都總會買少少....好難成季都唔買bb衫喎~