Day 166 @ Home
囡囡真係愈黎愈大個,今日係屋企同囡囡玩,佢已經識得自己拎住個o朗o朗黎玩,唔再好似以前咁只係無意識地拎住...仲見佢將個o朗o朗由左手交俾右手,好叻呀(不過只係得一次)~不過佢跌左個o朗o朗就未識自己去執番,唔知幾時佢識得自己執番上手呢?
除左玩o朗o朗之外,又同佢試下坐啦...其實好早囡囡就已經可以挨住野黎坐,宜家我通常都會扶住佢坐,如果唔扶佢就會向前"忠"或者向側邊跌,向後瞓亦都會....不過我有時都會試下放開手睇佢坐唔坐到,之前都坐到1秒架...哈哈~今日仲厲害,坐到幾秒添,真係好叻啊~
坐得耐囡囡就會扭要企,佢都企得幾型架,真係腳踏實地個隻,唔係用腳尖掂下咁企架~今日仲大字形咁企,紮晒馬咁,就黎可以一字馬添....哈哈哈~
等我買左地墊就會俾囡囡學爬架啦,又睇下囡囡學爬會點?
沒有留言:
張貼留言