囡囡其實唔係第一次瞓BB床,因為係嬰園佢都有自己張BB床既...不過其實真正係吳家屬於囡囡張BB床都係呢日323先第一次瞓咋~~
事關由囡囡初生回家起,吳爸爸就把囡囡放在他身旁睡,不過由於我們的床褥太軟並不合嬰兒睡,所以本放在BB床的床褥就放了在我們的大床上,囡囡睡時升高了,也不怕我們會壓到她,所以囡囡是照睡在屬於她的床褥,不過沒有放在BB床罷了~
唉,其實這個安排我是不太願意的,我並不是害怕囡囡因為這個安排而將來不肯自己睡BB床(因為係嬰園佢都係自己係床到瞓)...最大原因係放了囡囡的床褥後,我們的大床就只剩下半張,等於一張單人床大小,卻要睡著兩個人....真係轉身都難呀,瞓到我腰酸背痛~~我已經叫左吳爸爸好多次搬番囡囡落BB床瞓,但係佢都係唔肯,話唔放心喎...真係唔明佢點諗,放係BB床咪仲好,宜家既囡囡係唔識爬出張BB床架麻...反而係大床都有機會碌左出黎...所以我地平時要用好多枕頭被舖放係另外半邊床黎阻住囡囡碌出黎~
終於因為天氣太熱,吳爸爸肯將囡囡放落BB床啦...天呀,張BB床足足等左半年有多先用呀~~囡囡放左落BB床無扭計呀,而我地終於可以將朋友送既音樂轉轉掛飾玩具裝係BB床到比囡囡睇,囡囡係第一次睇呢樣玩意呢....佢眼定定咁望住,好似覺得好新奇咁呀,哈哈~
而我就終於可以舒舒服服咁係大床瞓啦,我都覺得自己可以瞓係咁狹小的地方大半年好厲害~
3個人瞓一張床又真係太迫喎!
回覆刪除而家俾囡囡自己瞓番BB床咪好囉!
[版主回覆03/25/2009 23:56:00]abby邊度迫,佢一個人仔已經霸左半張大床,簡直係皇帝式享受~
吳太，恭喜你！
回覆刪除[版主回覆03/25/2009 23:56:00]無錯,真係好值得恭喜~
原來你個囡囡都返育嬰園啊~ ??
回覆刪除我個B都係啊~ 45天大時就開始返啦~ 因為要做野~ 又無人湊, 請工人又無地方俾佢住~
你呢? 返左幾奈啦?
有病過嗎?
我個仔就近排咳咳, 睇左幾次醫生, 都仲有少少咳, 今日買左猴枣散, 試下食, 希望快D好番啦~
[版主回覆03/25/2009 23:59:00]啊,終於搵到一樣返嬰園既0809bb啦~~
abby就65日大開始返,因為我都係要返工佢先返嬰園~
病就病過,不過唔係嬰園感染既~我個囡前排都係咁咳,後來睇第二個醫生先知係氣管敏感而唔係病~
你哋都好勁呀, 2個大人瞓半張床....
回覆刪除雖然日頭在嬰院瞓BB床無問題, 但好多bb扭瞓大人床係想同父母瞓。Abby肯自己瞓BB床, 唔痴住爸爸媽媽, 好乖啊
BTW, BB床上個轉轉轉係放頭頂定床尾? 人哋話放床尾好 d
[版主回覆03/26/2009 00:04:00]唉,其實我都唔想,不過吳爸爸愛女心切,我呢個阿媽唯有忍下啦~
abby如果醒左又自己玩到悶就會嘈生晒要我地陪架啦~
至於個轉轉轉,初生時其實都唔適宜放,因為bb隻眼未發育好,好易變鬥雞架...宜家abby已經6個月,眼睛發育好左好多就無問題,所以放床頭床尾都無所謂啦...而且要郁同有聲,abby先會睇,唔係佢鐘意係度玩枕頭多d...哈哈~