實在係太耐太耐無買衣服鞋襪類既東西俾自己啦,我懷疑已經有年幾既時間~~
本來依然無諗住要去買既,不過見公司附近既E-max開左Fiorucci既outlet,見d價錢真係好抵,所以決定去睇下,如果岩款就買啦~
我未幫襯過Fiorucci,平時見佢d鞋都唔平,好似連入去睇都無試過~~今日去睇d鞋款都唔錯,高跟鞋就唔岩我啦(因為我d平衡力真係好差,而且著高跟鞋實在太辛苦啦),所以我都係睇平底,矮跟既款式~
呢間outlet都係賣斷碼款,好彩我隻腳夠大,39呀,40呀既size就最岩我勒,試邊款有邊款~~最平每對$150,不過$300就可以買到3對$150既鞋款啦,咁即係每對$100,呢個價錢買到Fiorucci,實在係超值啦....況且我真係想買鞋好耐架啦~
最後買左呢3款:
粉紫色矮跟鞋:呢對d料著起好舒服呢,斯文款返工去街都得...返屋企睇張單先知呢對鞋既原價竟然要$1198
...嘩,唔係呀,咁貴~~
船踭涼鞋:因為已有2對密頭鞋就決定買番對涼鞋款,而且夏天又到都係時候買涼鞋啦~呢對鞋頭既裝飾好有夏日feel呢...而呢對原價就係$598,都唔平呀~
深紫平底鞋:呢對既原價最平,只係$290...不過我覺得佢隻色好靚,而且鞋邊係無縫既,應該唔會挖腳~簡簡單單最百搭~~
其實都仲有d款鐘意架,如果可以再買多3對就好啦....哈哈哈~
真係好平wor. hkd300 3對. 我都要去看下先.
回覆刪除[版主回覆03/19/2009 22:47:00]咪係lor,咁抵又咁近,無理由唔去買啦~不過我平日返工都唔覺好多人,可能無咩人知...哈哈~
咁平！買多半打都唔過份啦～～
回覆刪除我都着38號喎，38號多唔多款呀?
[版主回覆03/19/2009 23:08:00]其實我真係想買多d架....不過買咁多好似唔係幾好咁,哈哈~
我諗38都應該有d,係36,37就真係無勒~就算真係無38,都可以試下著大少少...哈哈~
佢另外有d款就貴d,$250對既,唔知個d碼會唔會多少少~
原來我對腳同你差咁遠架?? 我著34/ 35架咋.....
回覆刪除[版主回覆03/19/2009 23:08:00]嘩,你對腳咁細架....人瘦連腳都細d既~
對涼鞋好靚喎!!!
回覆刪除[版主回覆03/19/2009 23:14:00]嘩,難得七七都話靚....我好開心呀~
好平呀....平均一百蛟對 i like the pink one. 等我星期六去行吓sin.... 不過多唔多39???
回覆刪除[版主回覆03/21/2009 00:55:00]39應該有架~~
粉紫色果對最令!
回覆刪除[版主回覆03/21/2009 00:56:00]梗係,唔係點會原價成千蚊~
天氣都熱左要換季喇! 都係時候同自己入貨啦!
回覆刪除[版主回覆03/21/2009 00:56:00]哈哈,我仲未買衫呀~
我又想去shopping呀～～
回覆刪除[版主回覆03/21/2009 00:56:00]shop啦shop啦~
又幾抵喎！紫色o果對幾靚呀！
回覆刪除我都係，一係唔買，一買就買好多呀！
[版主回覆03/21/2009 00:57:00]哈哈,因為忍左太耐~
估唔到e max 同megabox果邊咁多筍野賣...
回覆刪除日日返工都有機會破產呀! haha!
[版主回覆03/21/2009 00:57:00]因為平日無人流麻,咪減價lor...但係其實都係得我地呢班返工既睇...哈哈~
嘩, 真係好抵呀...
回覆刪除[版主回覆03/21/2009 00:57:00]係呀,有興趣可以去睇下~
我都係著38號架............原來我地一樣都係大腳八
回覆刪除[版主回覆03/23/2009 16:44:00]哈哈,你都著咁大架~