長洲復活遊 ~ 日出篇

曾經同老公講話想比囡囡早起身出去長洲行個圈影下相...不過想同做永遠都係有距離!好明顯我係起唔到身啦,哈哈哈!

話說我瞓瞓下老公拍我,叫我起身陪佢出去....我正值半夢半醒,見個天都未光就擰下個頭繼續陪周公去...

過左唔知幾耐,我知道老公番左黎而且又再上床瞓過....

到我真係醒之時已經係差唔多10點....原來老公係叫我去睇日出!

唉,睇日出唔早d講,早知我就起身陪佢一齊睇啦!

老公話如果我起到身就會同我係露台睇,見我繼續瞓,咁佢就自己落左沙灘睇勒!

睇番老公影既相,個日出又真係幾靚喎!最衰我起唔到身啦,唔係可以同老公浪漫下....

宜家就俾左個機會d長洲婆婆同老公一齊睇日出,哈哈~