我的第二個廚具LV ~ Le Creuset (25cm Oval Antique Rose)

簡直係欲罷不能呀~~~~自從吳家廚房添置了Le Creuset的Antique Rose後,我每次入廚房看到它都會笑,因為實在太靚啦~~而且用來煮食後真的覺得很好用,所以我已經決定要將吳家廚房的廚具全線轉用Le Creuset系列...那當然不是一下子就全轉過來,看來這工程也很漫長~~~

其實我一直打算29號星期五再去買多個煲既,只是那天應該也沒有時間去走一趟....幸好有囡囡的代母在sogo工作,為了再添一個Antique Rose就唯一麻煩人家一次,托買了~

不過我已鎖定了目標,有了個16cm圓形的就想要其他款和大些的,所以今次我只想買25cm的橢圓形,其他款式或顏色一律都不要...很高興代母真的幫我買到呢...折後再打9折只是$1250,足足平左成千幾蚊呀...我竟然唔係好肉赤喎,可能我實在太迷戀啦,就好似吳爸爸鐘意買攝影器材一樣~

由於實在太重,代母未能親自運送,所以暫存於其辦公室....不過我當然想盡快帶它番屋企啦....於是星期日吳爸爸被我委以重任,去cwb幫我拿了回來啦~

這個25cm oval足夠用來放一隻全雞來煮呢,我也測試過,兩個粉紅鍋都可以放入我那個小焗爐(oval那個當然要側放才可),實在太美妙了~

隨著sogo thankful week的結束,暫時也不會再買廚具的了....我期待著年尾時Le Creuset的開倉大平賣,目標是square grill pan呢,嘩哈哈~

幼潛第二堂(May 09)

話咁快又到星期六,要上第二堂幼潛啦~

好在上堂時間係4點半,咁都可以觀完禮先走...不過就要坐的士趕去上堂啦,而吳爸爸就要番屋企打點囡囡既物品及煮粥仔再黎接我地放學去嫲嫲到~

好在我地都無遲到,去到時都係第4個...玩左一陣玩具又到上堂時間啦~

今日既活動同第一堂既差唔多,只係有些少變化~上一堂有做既今堂依然有做,囡囡仲做得好好...不過新活動就做得好差啦,咪係因為懶lor~~~

例如BB sit up,相信好多家長都會同bb做既,就係將bb平躺,然後俾bb捉住你隻手借力將自己由瞓變坐~~其實好耐之前我已經有試過同abby做架啦,但係個時佢條頸唔肯用力,基本上好似我拉佢上黎咁,所以之後又好少做啦....點知呢堂就係做呢個動作,囡囡一d進步都無,都係唔肯自己用力上...就連梁ee都睇唔過眼要同abby做,但係梁ee都無佢符,囡囡唔用力真係點都整唔到佢郁....試5次都係得一次肯做,真係懶到出汁呀~~

之後就係掌上壓既變奏版,上次係放囡囡係自己大腿上...今次我地用左道具,就係沙灘波,好似我地去上fitball keepfit咁....要囡囡扒係波波上等佢用手撐地下,波波郁動bb就要爬啦....不過囡囡一做呢個活動就喊晒口咁,因為佢唔想撐呀麻,一定係覺得好辛苦啦...一要佢扒係波波到,隻手都未掂地就喊定先啦....好勉強做到1次,不過失敗左4,5次....梁ee都話佢唔肯用力,要特訓.....又係特訓呀....睇黎真係要同囡囡做多d呢類動作....不過眼見其他bb雖然都係喊晒口,但起碼一邊喊一邊做呀....囡囡就齋喊真係好醜怪呀~

最後又玩多陣就夠鐘放學啦....因為要等吳爸爸,所以我地無即時走,梁ee同bonnie ee都有再同囡囡做下動作,結果當然係貼實左張地墊,郁都唔郁啦....哎,真係無晒佢辦法~~

見家長

估唔到囡囡咁細,學校就要見家長啦....哈哈,其實係嬰園半年一度既評估面見~~

入學前辦手續時其實已經做左一次評估,那時囡囡才2個月大,每個分類下只能做到3,4項~

原來半年後,嬰園的姑娘會約家長進行評估面見,告訴家長BB現階段能達到那些要求,是否符合生長進度,和家長了解在家和在校時有沒有不同的表現....我覺得這樣很好啊,比去健康院進行發展監察更全面呢~今天由我接放學,所以姑娘就約了我做評估勒~現在每個分類也做到6,7項了~

我和姑娘傾得很愉快,就連園長經過都問為什麼我們笑得咁開心....此乃囡囡的行為實在太搞笑了,哈哈~

姑娘最讚不絕口的就是吃的方面,更說囡囡是同月齡的BB中最叻自己拎住奶樽食奶的,無其他BB能及~~可是我告訴姑娘囡囡在家卻不是這樣,我捉著囡囡的手要她拎奶樽自己食的話,10次有8次都會失敗,她是要我餵她...但不是要她吃的話,她就會拎住奶樽黎玩,和姑娘所說的完全是兩碼子的事啊....姑娘說或許這時因為囡囡想向我撒嬌的表現~

當然吃粥仔又讚一輪....之後就討論到爬這方面了,和我在家所觀察一樣,囡囡太懶就是不肯爬...連姑娘也認同囡囡不是不能爬,而是懶得去爬,一要她做爬的動作她就變成軟皮蛇,不肯用力,總之就是拿她沒辦法~姑娘說給她玩具,如果她沒興趣不想要,她是死也不肯拿的....但如果是她主動拿來玩,她卻是捉得很實,你是難而從她手中取走的啊~

這個女真的很有性格,連懶都懶得性格過人....姑娘說囡囡企得很有力,根本就有條件去爬或扶著東西站著,只是捉手去扶東西,囡囡就像投降般不肯扶,真的給氣死了....所以姑娘說要就這方面進行特訓,也叮囑我在家也想幫她做學爬動作,就像幼潛梁ee教的一樣...也由於不能爬的關係令囡囡還未能又躺下自行變做坐,所以我們真的要一起努力了~

除此之外,姑娘也提及囡囡比較多便便,不過便便很健康沒有問題....其他方面囡囡也一齊正常,非常好~~

希望有嬰園姑娘的特訓,囡囡可以快點除去懶惰之名,爬起來啊~

第一個第一名

呢篇主要目的係謝票

多謝各位支持abby既朋友,無你地既一票,abby係唔可以勝出佢人生第一個比賽既~

呢個小小model比賽我實在打左好多人情牌,真係多謝大家呀~

坦白講其實波仔應該係睇高一線既,就連吳爸爸都話波仔張相好可愛~~不過因為波媽一家於比賽期間外遊,所以就俾abby後來居上~~

這算是abby第一個第一名呀,當然要記低佢啦

http://littlepig-house.shopping.babysky.hk/product.html?listall

甘荀菠菜粥

昨天的紅酒炆牛肋條我只用了半枝甘荀,所以餘下的半枝就成了黎緊一星期囡囡粥仔的主要材料勒~

甘荀真的很多胡蘿蔔素,我用研磨器磨粒後成塊白色面變了橙色,沖洗後還是未能回復本來雪白的表面呢~~

不過粥仔煮出來橙橙的很漂亮~~

0527的晚餐 ~ 紅酒炆牛肋條

這個新菜式絕對因為sogo thankful week而產生的~~

因為買了Le Creuset的煲,那麼沒理由不用它來煮一些炆燉菜式吧~

因為碰巧sogo超市的牛肋條特價,那麼就試做紅酒炆牛肋條啦~

今天血併完回家只在家樓下買了薯仔和甘荀就開工煮這個新菜了~

星期二買的一包牛肋條其實我已經是選最少的一包,不過依然有1000g左右,今天我這一鍋只用了三分一(4條),一個薯仔和半條甘荀,家中的茄膏和125ml紅酒(我家是有很多紅酒的,因為都是結婚時剩下的呢)就已經吃得我和老公很飽了~

Le Creuset的鍋真的很好,我只是用了個半小時來炆,牛肋條就已經炆得很嫩,好像炆了3,4個鐘咁...如果有多點時間再炆的話,或許真的能炆到入口即溶的效果....我真的不是在誇張啊,個半鐘炆好一煲牛肋條,我覺得真的很快呢....這樣的話根本就不用買什麼高速煲啦~而且雖然我的鍋只是最小的16cm,不過份量剛好夠我們二人吃呢,不多不少~

而sogo的牛肋條應該質素也不錯吧....我一直以為牛肋條都是有骨的,原來牛肋條係啖啖肉,應該牛肋骨才會有骨吧,哈哈~

這個紅酒炆牛肋條真的很成功啊...應該還可以再整多2次~~今天就是得這味餸,不過我和老公都很滿意...這鍋的成本價只是$30,超抵呀~

Sogo血併第6天

今天一早再幫囡囡探熱,37.2度,其實可以說是退燒了,不過卻是嬰園入園的度數邊緣,所以還是要留在家休息....不過吳爸爸昨天已請了一天假,那今天就我請吧~~只是我下午約了做身體檢查,本想找我媽媽來幫手,只是媽媽今天有要事,所以吳爸爸唯有再請下午的假了~

我完成了檢查後順便又到tst sogo啦....哈哈,今天終於開齋買衫了~

其實一直也沒有動力買衫,因為太肥覺得很難著得靚d衫...點知夏天黎到我拎番d夏天衫黎著,竟然發現變緊了的地方不是肚腩(雖然也比從前粗了不少),而是上圍~~~~或許有人會覺得這不是很好嗎...不過,我自己就實在不太喜歡,著回從前的衣服上圍緊到爆,顯得人很肥,超難看呀~~所以唯有著回上年夏天的大肚衫,因為不論上下也是鬆身的~~

因此,我一大堆舊衫很多都不想穿了或者穿不上....這就是我必須置夏裝的理由~~

終於在thankful week的leaflet看中了一些特價衣服,今天的精選是日本品牌Luvlicious,我買了一件causal wear(3折後$126),一件碎花裙(原價$650,是日精選$198)和一件薄身外套(原價$590,是日精選$188),折後的價錢和普通時裝店差不多,那當然買日本牌子抵啦....display時當然覺得漂亮,特價不能試穿其實我也有點擔心穿起的效果...不過回家試穿時覺得不錯,找回了點點少女的感覺呢...穿上後也沒有令上圍突顯,也不顯得太肥,非常ok呀....可以再去入多點貨,哈哈哈~~

第六天sogo thankful week的成績:

Luvlicious桃紅長身causal wear:$126-->$119.7 (因為可享sogo visa額外95折)

Luvlicious粉紅碎花連身裙:$198-->$188.1 (因為可享sogo visa額外95折)

Luvlicious桃紅薄身外套:$188-->$178.6 (因為可享sogo visa額外95折)

共花了$486.4~~

北海道牛奶布甸

今天囡囡真的好似醫生咁講,時燒時退,不過精神是好多了~~吳爸爸請了假陪伴左右,而我因為正在趕緊一項活動,所以唯有上班去~今天很忙,不過吳爸爸不時匯報囡囡情況,我也非常放心~

放工早點下車到sogo超市買是日特價精選 - 美國牛肋骨(平時$11/100g,thankful week$8/100g,今天再9折$7.2/100g),味之素麻油$17.9(本來想買日清麻油,不過已經賣晒,唯有買另一精選味之素),乾烏冬$12.8~

由於煮牛肋骨要多點時間,所以今天未能嚐試....改天才試煮吧~

不過之前係sogo買左2盒北海道3.6牛奶,於是昨晚就試煮一下NANA介紹的牛奶布甸食譜~~其實我一向很少整糖水甜品之類的,因為沒有煮餸那麼隨意,一定要跟足份量,加上我又不太好甜,所以很懶煮....但這個食譜真的很簡單,只要牛奶,淡忌廉,糖和魚膠粉...所以昨晚煲定粥仔既時間,我就順便整埋呢個布甸~

今天食完外賣就可以試下啦....味道果然唔錯呢~雖然表面有點皺皮,不過內裹卻是非常香滑,甜味也剛好~~

我做了6個shooter杯還有2個小型耳仔杯(這是東海堂蛋糕的容器,我見幾靚就留了下來),看來這個甜品可以常常做呢...除開每杯平均只係$2.5,勁抵~

第四天sogo thankful week的成績:

美國牛肋骨:$77.8($7.2/100g)

味之素麻油:$17.9

乾烏冬:$12.8

共花了$108.5~~

8個月= 懶惰豬

5月24日係囡囡8個月大既日子啦~

原來咁快就已經8個月,日子真係過得好快...而囡囡既成長情況如下:

體重:

係嬰園磅有6.6kg,輕微增長,不過都係連15lbs都未到....但係我同吳爸爸都覺得囡囡多肉左同埋重手左~

身高,頭圍:

無度,唔知~

牙:

兩隻下門牙大隻左好多~

坐:

坐得非常穩陣勒,唔理佢自己坐係度玩都可以玩好耐....不過當佢開始發脾氣或者攰攰地就會自己向後瞓....所以通常我地都係佢背脊放定個豆豆袋~

爬:

未識爬...不過其實囡囡已經可以提起patpat,但係提起左patpat,上半身隻手又唔肯撐起,咁點爬呀~~一係上半身撐起左,佢又唔肯提起patpat,總之就係好懶,做一半唔做一半~

用玩具黎引佢呢,佢係有意圖想爬去拎,但係當佢發現要爬先拎到,佢會放棄拎番係佢附近既野黎玩...唉,真係好鬼懶~

企:

只要輕輕扶住,囡囡就可以企到....但係佢唔肯主動扶住d野黎企,我未試過成功捉佢隻手要佢扶住野企~~都係同一個字:懶~~

飲食:

呢方面唔使點操心,囡囡好肯食...基本上你餵到佢就會開口食...宜家3餐奶2餐粥仔,嬰園飲7-8安奶,粥仔一大碗,仲有水果湯水做下午茶~

我比較少比囡囡食零食,好似餅乾呢d非常少....不過有時會俾白麪包佢食~

囡囡肯飲水,而且識用飲管學習杯黎飲....不過有時佢唔口渴就會啜左入口之後吐番d水出黎...擺明玩野~

媽媽奶維持一早一晚埋身食....放假既中午就會食一枝7安既媽媽奶~

大小便:

尚未開始toilet training~囡囡特別愛在嬰園便便,放假日子便便少很多....很奇怪的習慣~

BB話:

只係會發一個音: dad....dad....dad....dad...dad....不過是沒有意識的,只是吳爸爸覺得在叫他~

當我叫囡囡的中文全名,她會知道是叫她....會轉個頭來望我~

****************

我覺得8個月大的囡囡很懶,真的很懶....點解會咁懶?無人教佢架喎,唔通天生既?我和吳爸爸都覺得是時間要教佢唔好咁依賴啦,有時明知她是在扭抱,我們開始不立即回應了....只望著她說不可以哭鬧,自己好好玩玩具....總之就講一大餐,等佢收左聲或者我地得閒勒(好似食完飯),先去抱番佢~

唔知點解我覺得8個月大既囡囡不再什麼都不懂,所以我和吳爸爸都覺得要教育了,但有點不知如果入手的感覺呢~

吳家玩具部 ~ TOMY小熊維尼多功能運動組合

星期日的天氣比星期六更差,整個上午也在下雨,更有雷暴警告呢~~不過吳爸爸如常回教堂,我就和囡囡留在家裡~~

今天是囡囡8個月大的日子,本來想好了帶她一起出去行街街的...不過因為落雨就打消了念頭~~不過我還是心癢癢的想去買野,哈哈~

下午見雨勢已經減弱,於是就由吳爸爸留在家照顧囡囡,讓他們二人世界好了~而我就繼續我第三天的sogo血併之旅...嘩哈哈,4點半我就出發啦~

其實我因為有教育及家居用品博覽的免費入場卷,所以就決定去看一看....為免跌入陷阱,我都只是看看攤位門面擺了,所以很快就離開了~~之後就去了看fisher-price的玩具開倉,一入門口就見到君佑一家啦(和abby一樣是924bb)...君佑媽收獲豐富,不過我就覺得麻麻地,好多之前係其他blog見到有興趣既玩具都沒有了...所以我又咩都買唔到~

同君佑一家話別後,我就轉戰cwb sogo啦~~本來今天不用帶左囡囡,我是想去買衫的,因為試衫方便麻....不過最後還是一件也沒有買~之後又走上看看Le Creuset廚具,我見粉紅色限量版番了少量貨,心思思的想再下一城...不過今天未能享有HSBC的9折,所以最後忍手了,或許看看星期五是否再來買啦~

最後落一層去睇玩具部,其實我一早在thankful week leaflet已對這個小熊維尼多功能運動組合有興趣,星期五那天也有看,當時幾乎是每個家長都手持一個呢,有些人更hold住3個...不過因為太大部,而且價錢$358在四百以下用不了HSBC卡的優惠,所以我也不急著那天購買~

今天星期日去看,玩具部少了很多人,而這部小熊維尼多功能運動組合還有4,5盒....而且問了sales可以再用sogo visa的95折優惠,所以原價$629減到$358後,還可以再平多十幾蚊,只要$340就可以了~

其實我很喜愛TOMY的玩具,我覺得比Fisher Price那些更漂亮....上次sogo thankful week我也用了同學送的coupon買了TOMY的益智嬰兒健身組合,想不到今次也一樣~

這個小熊維尼多功能運動組合變化多,可以變做學步車,又可以變做三輪車,而且有個玩具箱,又可以當做遊戲檯面,實在非常好,一個玩具可以變做4樣野...君佑媽說她已於福榮街買了,要四百多...所以今次sogo買真的很抵呢~

這個暫時是我買給abby最貴的玩具(不計教材),就當是8個月大的禮物吧....不過是要一直玩到3歲的啊...你知道媽媽我一個人抬著這個玩具回家多辛苦嗎?不可以那麼快就玩嫌的啊~

第三天sogo thankful week的成績:

TOMY小熊維尼多功能運動組合: $340

共花了$340

Sogo血併第二天

購物慾被激發後真的不能收拾,昨晚在Sogo shopping後實在太高興,決定今日繼續...因為sogo每天都有特別減價貨品,我想每天都到sogo逛逛直至thankful week完結呢,哈哈~星期六吳爸爸長週,帶了囡囡返嬰園,那麼我就可以比較輕鬆的去shopping...我11點就出發了~

今天的目標是泳衣....因為參加了YMCA的BB玩水樂園,所以我們母女都要準備游裝呢~囡囡的泳衣不是在sogo買的,是在海港城Bazaar做緊的Kids & Babies Fair內選購....有泳衣選購的只有Baby outlet和Elle/ToonsLand....Baby outlet最平一件只須$20,是一件簡單的紫色碎花連身泳衣,其實也很不錯...只是我想給囡囡穿兩件頭的,應該更可愛吧,又想有點公仔,好像配合囡囡的年齡多一點...所以最後在Elle/ToonsLand買了winnie the pooh粉紅波點兩件頭小泳衣,這是90碼,我找了很久的呢....折後只要$56,我覺得很抵買呀~

之後就向TST sogo進發,11時多的sogo已經有不少人,不過依然不太擠迫,可以慢慢選購...我就專去看是日精選那些,結果第一樣選購的是金色短身Converse,今天做半價,只要$210...回家給吳爸爸看也讚很漂亮呢...其實家中的的一對高筒Converse也是從前在sogo thankful week買的...想不到今次也一樣在thankful week買下新的一對~

之後就尋找目標 - Triumph是日精選泳衣,今天的價錢是$99呀....家中的bikini是不能再穿的了,因為我的肚自生完後打晒摺,真的很難看....但家中的一件頭泳衣卻是老土得要命(中學時在新都城買的)...穿起會變成一個阿嬸,我不要啊~~

不過我是比較喜愛兩件頭的,畢竟比較trendy...而Triumph是日特價的泳衣也有4個款式選擇,最後我選了紫色背心型兩件頭,可以遮掩打了摺的肚,也不失時尚感覺...分大,中,細碼...而我不幸的要買大碼呀,唉~~~~~

買了泳衣後看到另一是日精選 - Marina Club的沙灘裙,毛巾質料,未下水或上水後穿上也不錯啊....而且我試穿時覺得平常用來當褸著也很好看,最後選了一件黑色的大碼(又是大碼),沒想到是大碼的最後一件了,也是特價$99...這件可以同時享有sogo visa的95折(converse,triumph也不能再有95折),所以只要$94~

最後再到超市逛逛,結果買下了今天特平而老公又愛吃的美國尊遜腸,一款芝士味(本來已經沒有貨,sales只拿了10包左右回來補貨,剛巧我就在旁,順利的就拿了一包,拿起後就已經無晒勒,很恐怖呢~),一款是新出的蒜蓉香草味,每包$37.8~

之後再買了今日最低價的即食意粉,3包$36,平時$20.5一包,thankful week做緊3包$40...今天是特別再減多$4的啊~就這樣完成了今天sogo血併之旅~

第二天sogo thankful week的成績:

金色短筒Converse:$210

Triumph紫色背心型兩件頭泳衣:$99

Marina Club黑色沙灘裙:$94 (sogo visa額外95折)

sogo超市貨品:$108.9

另外於海港城Bazaar買了winnie the pooh粉紅波點泳衣: $56

共花了$567.9~~

我的第一個廚具LV ~ Le Creuset (Antique Rose)

愛死了....愛死了....愛死了

由我在sogo thankful week leaflet見到其限定版Antique Rose之後就已經一見傾心

認識這個廚具品牌Le Creuset始於年多前,相信熱愛煮食的朋友們一定不會陌生,Le Creuset - 人稱廚具中的LV,只要在internet search一下,就能找到很多資料,知道它有什麼好處....當然它不是沒有缺點的,第一是相當重手,第二是價錢太貴~~

我從沒想過我會捨得買一個回家,千幾蚊一個煲不是太誇了吧~~不過其實廚具不同餐具,要買好一點的煲或者鑊閒閒地都要成千蚊,只是吳家廚房的廚具都是平價貨或者奶奶不要留下的~

可是當我見到粉紅色的廚具後,就讓我深深的愛上了~~好美好美,殺死人的外表加上無敵的內涵,我真的被征服了....想不到限定版也能在sogo thankful week上做減價,我決定豁出去,就買一個千幾蚊的煲回家~

1st Choice：我想要心型鍋 $2058→現減到 $1238 (50 個)

有對翼呀........會飛

2nd Choice：20cm 圓形湯鍋$2100→$1288 (80個)

3rd Choice ：18 cm 圓形湯鍋 $1758→$998 (80個)

4th Choice：16cm 圓形湯鍋$1545→$618 (80個)

中午時在公司視察情況,睇其它 Blog 見到 1st Choice 已經售馨,因為一個日本太太團就已經買了30個...我的粉紅心型鍋呀~~~~~~~

放工極速的走去接囡囡放學,極速的回到家,又極速的煮粥仔和餵粥仔,終於6點半可以揹住囡囡出門口展開這晚sogo血併之旅(吳爸爸去了睇五月天演唱會)

7點到達CWB sogo,第一時間衝上7樓搜索Le Creuset專櫃,發現目標的我第一時間走過去,很多人圍著,每個sales都在應付客人...為了心頭好我也不等了,就開口問有沒有粉紅色心型鍋....很可惜已經售完~~那麼我就退而求其次,問還有什麼粉紅色的產品,總之誓要買個粉紅色回家~

雖然買不到首選,不過我想我還是幸運的...因為尚有最後一個Antique Rose產品,不過是最小的那個16cm圓形湯鍋....我亳不考慮的就說要,那時的我還不知道價錢,原來16cm是減得最多的,去到4折...再扣去我手上的$150 sogo coupon及呢期HSBC卡最紅星期五優惠(滿$400可享9折),結果我只花了$421就買了回家,非常高興~(說真的,感覺是在搶呢,真的很誇張~)

這個Antique Rose 16cm圓形湯鍋現在成為了吳家廚房的傳家之寶....沒有錯啊,因為它是永久保用的(lifetime quarantee)...我見到人家真的用了30年,物料才開始有些脫落,結果當然是免費換了一個全新的回來....所以其實千多元用一世也不是很貴吧~更何況我現在四百多就買了一個回來呢~

第二天就已經用了來試煮囡囡的粥仔,果然名不虛傳....平時我要花差不多2小時才煲好的粥,用了Le Creuset只是花了半小時,而且我沒有睇火呢...因為鍋蓋的重量是水蒸氣不能推開的....很厲害啊~

我還在心思思想買多個gilled pan回來呢~~

食粥叻叻的囡囡

我今日放工去左做c9野,就係去左搭永安既免費專車,咁就慳番程巴士錢勒,哈哈哈~

雖然我都行左一轉永安,不過空手而回,我期待住明晚去sogo放血~~

因為行左一圈永安,所以遲左少少番屋企,入到門口就聽到吳爸爸愉快既聲線叫我睇下囡囡本手冊....哈哈,之唔係因為又有老師讚美既字句lor~

今日寫左"abby吃粥仔很叻,一大碗也可以吃光"....睇黎囡囡應該係食左好大碗粥啦,宜家我夜晚呢餐粥都係滿滿一大碗架啦~

其實都唔明囡囡咁食得,但係點解唔係點長肉呢?好似都係唔係好重咁...不過無所謂啦,女仔都唔使咁肥既,食極唔肥我不知幾羨慕,唔使有減肥既煩惱麻,哈哈~

0520的晚餐 ~ 雞扒泡菜炒烏冬

老公下星期將被借調到長沙灣個邊個office做野,話就話借調2個月,不過老公話都唔知會唔會還番佢番去荃灣office,呢次借調又急,本來話即日就要走,幾經爭取先改做下星期...所以呢個星期老公都要同唔同既同事食晏,飯盒就唔使準備俾佢啦~

既然係咁,我就想煮d簡單野啦,不過又想有d新意....所以今日決定試下做韓式晚餐....哈哈,其實都唔係韓式,我只不過係超市買左包泡菜,諗住用黎炒烏冬...加多件雞扒做餸符合老公既口味勒~

泡菜我都係第一次買番屋企用黎煮架,因為平時我係唔食泡菜既...不過如果用黎伴住其他野一齊食,咁我又會食架喎....所以用黎炒烏冬都唔錯~

第一次煮,味道唔錯呀....炒烏冬呢個配搭都ok,老公都話幾好味~包泡菜都幾大包,我用左半包咋...不過因為泡菜比較貴,所以今餐成本稍高,大約$45...但係我都留左個飯盒俾自己,除開既話每份都係$15咋~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

菠菜沙孟魚粥

翠玉瓜粥又食左一個星期勒,呢個星期回歸魚粥懷抱,感覺無咁寡之餘,我覺得營養係豐富d既....其實想買鯇魚,不過太遲去買已經無晒,咁就買番上次既沙孟啦~

今次我無之前整得d魚蓉咁碎,可以見到一塊塊小魚肉,而囡囡都食得好好~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳B飲食唔會受影響(即係無add你都可以睇既)....不過如果想睇埋我其他網誌就留言俾我add你啦~

0518的晚餐 ~ 黑椒脆皮腸餃子冷麪

今晚老公約左朋友食飯,又係一個人的晚餐時間,即係可以煮d老公唔好而我又想食既野最好時機勒~

今日天氣好熱,所以就諗起食屋企擺左好耐既冷麪....再加上廚房既物資 - 餃子同黑椒脆皮腸,咁就完成呢個豐富既晚餐~

每次煮冷麪我都會雪凍d餐具,所以真係夠凍架...加上日清冷麪汁,味道真係ok架~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

《Angels & Demons》 @ 德福MCL

嘩,真係好耐都無入戲院睇戲啦,上一次應該係去睇Bedtime Stories,仲要個日係我地兩公婆都請左病假,病住咁去睇既,原來已經係1月既事黎啦~

因為我手上仲有2張MCL既禮卷,5月尾就到期啦...所以又係時候諗下用唔用到,唔係又要送俾阿媽阿爸用架啦~

終於吳爸爸呢個星期短週,就決定今日星期六送囡囡番嬰園,我地就去睇戲用左張贈卷啦~雖然用贈卷睇早場係好愚蠢既做法,因為早場價錢一向都有優惠,不過總好過用唔到張贈卷啦~

最近既MCL係德福,本來想睇翻生侏羅館2既,不過得TKO MCL上左,咁就改左睇Angels & Damons勒~

我覺得幾好睇喎,雖然有人話d密碼太簡單,不過我覺得ok呀,唔使搞到咁複雜既(不過我係無睇達文西密碼,所以無從比較)....套戲少不免提到天主教既野,我問身為教徒既吳爸爸有無覺得反感,佢話無因為片中提到既歷史係事實~

而並無任何宗教信仰既我亦無因為睇左呢套片而影響我對天主教既觀感,我還是一樣的尊重...講真,如果要我真的去信一個宗教,天主教會是我的首選~只是,我覺得自己還未去到那一步,就像片中Tom Hank被問到是否相信神時一樣,他的回答正正就是我的心聲,我對那一幕非常深刻~而最後那主教說的一番話大意是"宗教有缺點,因為人有缺點"也令我有點共鳴~

總之我好開心可以同老公去戲院睇番場戲....睇完又急急腳去接囡囡放學lu,短短的二人世界時間要好好珍惜....相信未來要去戲院睇戲都要咁樣安排先得勒~

0515的晚餐 ~ 芝士焗腸仔菠菜意粉

星期五又係我去接囡囡放學既日子,所以又無手去買餸勒~

於是今晚只係用廚房物資煮晚餐,咁最簡單都係煮意粉....就係咁芝士焗腸仔菠菜意粉就誕生左啦~

不過我今晚只係煮左好少白汁,所以比較乾身...應該多d汁會好味d,不過老公又話ok喎...梗係啦,我就係知唔夠汁,所以將大部份既汁都俾左佢個份呀麻,佢梗係話唔多覺啦~

平時如果煎芝士腸,煎得耐係會爆既...原來焗既話係唔會有呢個問題,老公仲話焗到個皮好脆添~

今餐如果計番成本既話就廿蚊左右啦,非常經濟呢~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

0513的晚餐 ~ 南乳雞球 菠菜貢丸粉絲煲 滑蛋火腿

今日有新菜式,就係南乳雞球....其實我諗南乳炸雞會好味d既,不過我一向都唔炸野既,咁就改做炒啦~南乳味濃,其實都好難會整得唔好食,哈哈....味濃當然又岩晒老公既要求,所以佢好鐘意食~

當我諗唔到煮咩既時候,通常就會煮下蛋呀,菜呀,呢d野....今日就煮左菠菜貢丸粉絲煲同滑蛋火腿黎登腳,咁先夠餸留兩個飯盒麻~

今餐成本價三十蚊~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

翠玉瓜粥

上星期既節瓜肉碎粥又食左一星期勒...今個星期囡囡既餐單係翠玉瓜粥~

其實我只係用過翠玉瓜煲湯,都無用黎煮過餸...今次我叫左吳爸爸幫手準備翠玉瓜,將其打碎...點知打碎完出黎已經好似奶昔咁糊,點解同我上次打碎既節瓜唔同既?我上次真係碎到一粒粒架咋喎,唔通翠玉瓜太軟身打完變左糊?

所以加左落粥到就變左一碗青綠色既粥仔勒...不過囡囡都食得好好~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳B飲食唔會受影響(即係無add你都可以睇既)....不過如果想睇埋我其他網誌就留言俾我add你啦~

0511的晚餐 ~ 芝士雞球墨汁意粉

母親節之後又回復正常既生活....不過唔想煮飯,決定煮意粉~

醒起之前係廚房搵到包墨汁意粉醬,於是就決定煮下墨汁意粉....其實我都係第一次煮架咋~

估唔到又幾好味喎....唔錯唔錯,買唔到墨汁意粉,用墨汁意粉醬加入意粉黎煮都好好味喎,大家可以試下~

最搞笑係真係食到成個嘴都黑晒~~

呢餐成本價都係廿蚊,仲留左2個飯盒添~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

Mother Day Dinner Buffet @ Express Cafe, Hotel Panorama

我好耐無去酒店食buffet啦,今個母親節唔知點解我好想去酒店食buffet....我已經睇過好多酒店母親節既buffet行情,但係價錢又真係唔多抵.....不過最後都俾我搵到間唔錯既酒店buffet dinner~

呢間就係尖沙咀赫德道既麗景酒店啦,因為係新開既,所以感覺都幾modern,唔係好殘咁~佢主力有2間餐廳,一間係1樓lobby既Express Cafe,另一間係38樓既Santa Lucia Restaurant & Sky Bar....38樓既Santa Lucia可以睇晒成個維港夜景,好正架....不過佢既母親節buffet就貴d,所以我book左比較經濟既Express Cafe,呢間好細架咋,數埋都係得十幾張檯架咋~至於夜景,我地上左佢40樓既觀景台,不過因為太大風,影左幾張相就走lu~

講番個buffet,母親節正日既價錢係$488+10%....貴呀,唔算貴架啦,因為呢個係2位成人既價錢黎,所以即係$270一位(平時星期一至四係$398+10%架咋,當然都係2位既價錢啦)...而且無分時段,唔會分兩輪時間,總之6:30pm開始食到9:30pm架...仲要母親節特別加送每人一客芝士焗龍蝦同埋燕窩燉奶,味道仲算唔錯添....特別係燉奶,因為用左北海道牛奶黎整架~仲有為每位母親送上Glow Concept 價值港幣1000 元之現金優惠券添(雖然我都唔一定會用,不過有野送總係好過無啦)

其實佢呢期做緊既buffet係叫《特級和牛及北海道牛奶自助晚餐》,佢既介紹係咁既「以創新手法烹調由日本進口的和牛(以其雪花紋、鮮嫩口感及肉汁豐富見稱)，創製一系列特式菜式包括雜菇牛肉批、牛肉片配火箭菜及巴馬臣芝士、日式燒牛排配薑炒蘑菇及紅酒汁燉牛肉配時蔬等。

除精緻和牛菜式外，特設海鮮專區源源不絕為你供應新鮮生蠔、烚鮮蝦、亞拉斯加巨蟹腳、加拿大青口、法國黃金螺、刺身及壽司等。咖啡亭的甜品專區是甜品迷的天堂，自家製的甜品有北海道牛奶甜品、酥餅、蛋糕及朱古力等。」

由於我同老公都唔食生蠔既,所以無試到....不過我見供應好充足,而我就食左好多亞拉斯加巨蟹腳,都幾新鮮呀,淨係食蟹腳都已經夠飽啦~而且我好欣賞佢有提供parma ham配蜜瓜/哈蜜瓜呢款頭盤,超好味....我同老公食左幾轉呀~

熱盤一般都係大路食物,甜品都ok,仲有軟雪糕食,不過我都係鐘意食佢送既燕窩燉奶~~

另外佢提供既中湯(棷子雞湯)同埋西湯(田螺忌廉湯)都唔錯,老公仲飲左成2碗中湯添....雖然呢間cafe細細間,不過我覺得佢都交足貨....我都食唔晒佢提供既食物呢~而且佢既服務仲好好,見我地帶埋囡囡,雖然佢地方唔大,我地張2人檯迫迫地,但係佢都諗盡辦法幫我地安排bb椅,令我非常欣賞呢....我地食得好開心,呢個價錢真係一d都唔貴呀~

不過是晚囡囡比較扭計,好在多得隔離檯既姨姨照顧,佢好鐘意同abby玩,仲幫手餵abby食糊仔,等我同老公可以食野呀,勁搞笑~~

好開心咁度過左我第一個母親節勒~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家吃喝(當然有樣既另計)唔會受影響(即係無add你都可以睇既)....不過如果想睇埋我其他網誌就留言俾我add你啦~

母親節午餐@板前壽司

搭完NP360就轉戰機場2號客運大樓 - 翔天廊~~

我check左架啦,係東涌站A出口就有免費接駁巴可以搭,不過只限星期六日同假期先有架...輕輕鬆鬆就到達勒~

去到已經2點鐘,係時間醫肚....係機場既板前係一定唔使等位既,所以我地就決定去食壽司~~仲要機場派緊優惠卷,有8折呀~

叫左10客壽司,一客手卷,仲有炸物,埋單都係百五蚊左右咋,very nice~~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家吃喝(當然有樣既另計)唔會受影響(即係無add你都可以睇既)....不過如果想睇埋我其他網誌就留言俾我add你啦~

0508的晚餐 ~ 火腿炒蛋 香草雞翼 肉碎炒小唐菜 木瓜雞腳湯

通常星期五都唔會煮飯既,因為我要去接囡囡放學都無手去買餸...不過琴日煲左湯,咁無理由自家湯配外賣或者唔飲煲湯出街食架....於是抱住囡囡是但係超市買包雞翼同火腿就算勒~

於是又煮左最行既家常菜式:火腿炒蛋,香草雞翼,肉碎炒小唐菜,而第二日既木瓜雞腳湯果然好味好多呢~

是日晚餐成本價廿蚊左右,因為菜係琴日既半包,湯又係琴日煲落既,所以只係買雞翼,火腿同蛋咋~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

澳洲有機品牌Little Innoscents試用裝

典型c9的我一向都好鐘意去拎贈品既,未生之前最鐘意去拎護膚品試用裝,不過宜家既我好少去拎啦....因為實在唔夠時間用,為左幾ml sample特登去既話對於宜家既我黎講實在不太化算~~除非係好吸引既offer,或者真係順路經過,否則我都唔會去拎架啦~

但係宜家既我反而會對BB用品既sample有興趣~前幾日就收到係MaMa Station登記既免費澳洲有機品牌Little Innoscents試用裝,今次唔使自己去拎,會寄到上門架,非常體貼~

"Little Innoscent Hair & Body Wash 二合一洗髮及沐浴露" (30ml)

由 天然植物及植物萃取物製造的二合一洗髮及沐浴露 ， 含有機認証的純留蘭香、薰衣草、甜橙精油的香氣，不含 刺激性化學劑，人造色素或石油成分。 適用於乾燥及敏感性皮膚。

"Little Innoscents Nappy Rash Cream天然有機舒緩滋潤霜" (25g)

天然及有機的 舒緩滋潤霜。 能防止尿布疹 ，亦適用於乾燥皮膚。

而且份量都唔少,25g既nappy rash cream真係幾多架啦,我買一枝johnson既護臀霜都好似得30g咋~

雖然呢個MaMa Station網站就唔係好hit,不過間中都有d優惠架,亦都有d有用既資料睇既,大家可以去望望啦~

0507的晚餐 ~ 薑椒蒸雞 肉粒炒小唐菜 芝士焗豆腐 木瓜雞腳瘦肉湯

因為已經個幾星期無去99度,今日原本係諗住番99度食飯既,點知原來6299上左大陸,咁就照樣係屋企煮飯食啦~

今日煮左3餸1湯~

薑椒蒸雞:落左辣椒,辣辣地都幾好味~

肉粒炒小唐菜:因為用黎做囡囡粥仔既豬肉太多,食左成4餐都仲有好多,於是就煮左大部份等我地食左佢,唔好浪費麻~

芝士焗豆腐:雖然我既黃金豆腐失敗左,不過今日整番好耐無整既芝士焗豆腐一樣咁好味~

木瓜雞腳瘦肉湯:其實平日真係唔係好夠時間煲湯架,不過真係好想飲下湯水...於是唔夠時間都照煲啦,至多咪聽日先飲~~~不過我地食完飯都有飲到,都算ok,相信聽日飲會更好味....始終老火湯都係要火候足先好飲既~

今餐成本價四十有找架~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

吳家玩具部 - Form Fitter

其實我無特別為吳家玩具部添置玩具,宜家所有成員都係朋友送的禮物~

今日lunch time我又出去行下啦,睇下睇下見到呢個Playskool既form fitter特價只係$29...原來平左係因為個包裝盒撕爛既關係,如果個sales唔講其實我係未發現既...不過無所謂,開黎玩都要拆左個包裝盒架啦~

雖然呢個玩具係寫住俾18month既BB玩,不過我都買左先...我記得係玩具反斗城好似賣五十幾蚊架~咁抵,買定都無所謂啦~~

就係咁我第一次真金白銀買左個玩具俾囡囡勒~

番到屋企囡囡見我拎住個新玩具就眼甘甘望住,表情非常搞笑,我一路拆囡囡就一路盯住,好似好期待咁呢~囡囡真係大個左啦,以前佢對住玩具係毫無反應架,估唔到宜家會咁主動喎~

唔知係咪有新玩具,今日無平時咁早瞓,所以我都無煮飯陪佢玩下....囡囡當然唔識入形狀,不過都玩得好高興,又拎下d小形狀,仲可以成個正方體都拎起添....終於要到8點半先肯瞓覺咋~

0505的晚餐 ~ 明太子和風意粉配豬肉腸

今晚老公要去參加朋友一個婚前聚會,於是我就直接番屋企準備囡囡既晚餐,老公接左囡囡番黎沖過涼就出發啦~~

而我就餵囡囡食粥仔,飲下水,洗個面,換埋條片就餵媽媽奶等佢瞓覺勒....今日未夠8點囡囡就瞓左啦~

一個人的晚餐決定煮意粉食,因為屋企包明太子醬汁老公都唔好,呢個時機最好就係煮左佢啦...煮多份留埋飯盒就perfect勒~

個醬汁味道唔錯,咁當然我一樣有做足功夫炒左個意粉做底先落醬啦....只係我覺得個醬多油左d就真,所以要隔下d油先上碟~加埋豬肉腸,真係非常飽呀~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

0504的晚餐 ~ 黃金豆腐 梅菜冬菜蒸肉餅 香草雞翼 火腿炒蛋

放完假又係時間煮番住家飯,實在太耐無新搞作,好悶呢....今日手痕想試下整自己諗既黃金豆腐(其實即係咸蛋黃炒豆腐)....不過最後失敗左~~

今日放工搭巴士我又瞓著左,不過好似瞓得比平時耐喎...原來彌敦道封左路勁塞車,結果我早左一個站落車,唔等佢行啦....仲比平時遲左成15分鐘先落車呀~

返到屋企,吳爸爸已經接左囡囡番屋企,所以立即同囡囡沖涼...沖完我又要去煮粥仔,餵完再埋身餵媽媽奶,終於8點左右囡囡瞓左勒....而吳爸爸因為黎緊星期日要去飲,於是就出左去剪頭髮...咁我就終於可以開始準備晚餐~

蒸肉餅,煎雞翼都無難度既....只係第一次整既黃金豆腐就衰左,賣相差,不過味道還算可以,睇黎要諗下點樣可以煎得靚d豆腐,我又唔想炸喎~好在呢碟餸成本只係$4.5,失敗左都無咩所謂~

因為新菜式唔得,最後唯有煮多碟火腿炒蛋補番數,我仲加埋隻咸蛋既蛋白,炒左出黎又幾好味喎,哈哈~吳爸爸剪完頭番黎,我岩岩就煮好晒d野勒,時間岩岩好~

就係咁今日有4個餸,當然可以留到兩個豐富飯盒啦....呢餐成本價都係三十幾蚊~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~

節瓜肉碎粥

菜心沙孟魚粥已經食左一星期,係時間又要轉轉新口味~

今日係Threesixty買左節瓜同豬肉,呢個星期囡囡既餐單就係 ~ 節瓜肉碎粥

今次係第一次食肉,之前就算有落肉都係用黎出味,無俾囡囡食架~

第一次食肉無咩問題喎,瓜類亦係第一次食既,之前都係食菜葉,囡囡一樣食得好好,一大碗好快就食晒勒~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳B飲食唔會受影響(即係無add你都可以睇既)....不過如果想睇埋我其他網誌就留言俾我add你啦~

She Mom試用大使の超聲波驅蚊器

唔知大家知唔知She.com既She mom頻度有得登記做試用大使,可以試用唔同產品,有適合大肚媽媽既,有岩唔同月齡BB用既產品.....慳家c9如我,當然第一時間登記啦~

終於收到佢地既email話有產品可以試用,每期都有大約5款唔同產品選擇....呢期我選左兩樣,一樣係驅蚊器,一樣係餵食用具,最後我被分配試用驅蚊器~~

佢地好好既,唔使麻煩你去拎,會送件產品去你辦公室....係佢定既限期前寫番篇用後感就可以架啦~~件產品佢亦唔會收番既,即係你可以免費擁有左佢lor,哈哈~

我對今次呢個驅蚊器都幾滿意,原價都要成一百蚊架~以下就係我既用後感

"陽光燦爛既日子,最岩就係同BB出去郊遊呼吸下新鮮既空氣,不過最怕就係郊野地方好多蚊,針到BB成身蚊癱就一定好心痛~

今次試用呢款超聲波驅蚊器效果都好似唔錯,我見好多遊人都話有蚊針,我自己都有少少痕,不過BB就一D事都無,睇黎應該係有D用既~

呢個驅蚊器都算細細個,帶出街都好方便...佢有個夾,我就用黎夾係BB後衫領位置,因為BB睇唔到唔會用手搞...不過就要簿衫先得,因為都幾難夾~

呢個驅蚊器開左會有V V 聲,都幾大聲架,所以一定係戶外用先岩,咁樣就唔覺太騷擾...不過開關既感應方面好似差左少少,有時想熄要襟幾次先可以確定係咪熄左機~不過整體黎講,我覺得都唔錯,起碼真係無被蚊針到....我會繼續使用~"

睇完啦喎,大家仲唔快d去登記~

BB衫入貨場@赤柱

素聞赤柱買BB衫又平又抵又靚,但係我真係唔知地頭,所以諗住由熟路既Vamama帶領...不過最後都係得番自己去搵....當然我都打左電話俾Vamama問路,終於搵到條賣BB衫既巷仔~

本來我係打算由尾行上頭咁睇既,點知行到最尾開始睇時,買左3件之後,吳爸爸就話轉出去睇其他....shopping真係唔岩同吳爸爸一齊啦,都係約媽媽級朋友好d~結果最後只係買多左2條褲咋~

可能係無咩時間睇,我又格唔到價,又得自己盲中中咁行,所以我並唔覺得赤柱既BB衫特別平,價錢只屬一般...因為我係網上買BB衫,通常都係等到人家清貨大減價先買,所以好多時$30就買到條carter裙仔~

今次係赤柱我買左

白色baby gap裙仔:我覺得幾靚,係polo衫個d質地~

粉紅first moment開胸夾衣:吳爸爸要求買d開胸夾衣,咁見呢件幾得意就買左

紫色碎花carter夾衣裙:我好想買夾衣裙....因為我其實好怕就咁著上衣會令囡囡個肚著涼,所以一定會俾夾衣佢著~~宜家要著裙,入面都會著年夾衣打底,但係咁樣即係著左2件衫,有時都會驚囡囡太熱....所以想買夾衣裙好耐,不過網上唔多覺有得賣,或者有又太貴,最後買左呢件~

呢3件夾埋都要$167,我覺得一d都唔平呀....係我講價之後先平左少少,但係都要$155呀...不過入到黎赤柱無理由空手而回架,所以都係買左lor~

之後想搵Vamama話佢常幫襯個間,但係我搵唔到...只係一間叫S-Mart既買左2條carter褲仔($58),就係買左呢幾件咋....諗住大出血既我只係買左好少咋~

大家其實有邊間推介呢?下次再去一定要買d又平又靚既先得~

泗益@赤柱

5月2日安排左呢個假期最精彩既節目,就係約左Vamama,彤媽,是加力佢地入赤柱shopping BB衫,最難得係吳爸爸今次答應一同出席....點知彤彤出玫瑰疹,呢個假期要閉關....Vamama又病倒了....於是通知是加力,最後決定擇日再去....Vamama,我地要再約過呀~~

雖然節目除消了,不過我們一家三口依舊打算出發赤柱....相信最高興是吳爸爸吧,他不用應酬我的媽媽級朋友...哈哈~

雖然一大早就起身,不過幫囡囡沖涼,吃奶奶,又要準備粥仔,幫囡囡換套靚衫,忙這忙那的,可以出發時已經是中午12時了~

今次我們放棄吃赤柱那些舒適餐廳,因為我和吳爸爸已經想吃泗益的西多士很久了....今次一早已決定要去會一會它~~

看了不少電視介紹,終於知道泗益的位置,平時我們真的沒有留意....1時去到要排隊啊,好像等了半小時左右,我們叫了西多士,沙爹牛治烘底,沙爹蛋牛麪,凍奶茶同熱茶走~~

味道是不錯的,不過沒有我想像的好味...而且價錢也不算便宜,這樣就已經要$73~~不過在赤柱來說已經是很便宜的了,下次或許可試試後面的民益魚蛋粉,好像也不錯似的~

不過真的很多人來吃,人手又不多,那塊西多士真的等了起碼20分鐘才有得吃呢~

*************************************************************

溫馨提示:

吳家吾居正進行私有化工程,不過只限有樣貌或私人資料既網誌....基本上吳家吃喝(當然有樣既另計)唔會受影響(即係無add你都可以睇既)....不過如果想睇埋我其他網誌就留言俾我add你啦~