老公下星期將被借調到長沙灣個邊個office做野,話就話借調2個月,不過老公話都唔知會唔會還番佢番去荃灣office,呢次借調又急,本來話即日就要走,幾經爭取先改做下星期...所以呢個星期老公都要同唔同既同事食晏,飯盒就唔使準備俾佢啦~
既然係咁,我就想煮d簡單野啦,不過又想有d新意....所以今日決定試下做韓式晚餐....哈哈,其實都唔係韓式,我只不過係超市買左包泡菜,諗住用黎炒烏冬...加多件雞扒做餸符合老公既口味勒~
泡菜我都係第一次買番屋企用黎煮架,因為平時我係唔食泡菜既...不過如果用黎伴住其他野一齊食,咁我又會食架喎....所以用黎炒烏冬都唔錯~
第一次煮,味道唔錯呀....炒烏冬呢個配搭都ok,老公都話幾好味~包泡菜都幾大包,我用左半包咋...不過因為泡菜比較貴,所以今餐成本稍高,大約$45...但係我都留左個飯盒俾自己,除開既話每份都係$15咋~
*************************************************************
溫馨提示:
吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~
泡菜炒飯都好好味o架!
回覆刪除[版主回覆05/20/2009 21:20:00]係呀,和民既菜式黎麻~~
不過因為唔想煲飯,所以用黎炒烏冬lor~
我鍾意食泡菜呀！
回覆刪除[版主回覆05/20/2009 22:57:00]係呀,易整又好味....你都可以試下呀,包泡菜唔係好辣架咋~
你好多新煮意，又要湊女，好叻呀！
回覆刪除[版主回覆05/20/2009 23:53:00]日日煮埋類似既餸好悶既,可以的話都想試下d新款式...不過都係諗d簡單既黎試....邊度叻呀,好多媽媽煮得好過我好多啦~
攪到我又想試下...kekekekeke
回覆刪除[版主回覆05/21/2009 21:09:00]試啦試啦....好易架咋~
咁用左泡菜重要唔要落其他豉油等呀？
回覆刪除[版主回覆05/21/2009 21:11:00]我落左好少咋~
真係好, 重有時間試新野~
回覆刪除[版主回覆05/23/2009 23:46:00]試新野唔一定成功,所以就算唔好食都要食架,哈哈~
泡菜我都係麻麻地,反為家姐幾鐘意食,她仲會自己去超市買回家吃的啊
回覆刪除[版主回覆05/23/2009 23:48:00]用黎炒飯炒麪都算好味既...如果齋食我都係麻麻地~