今晚老公要去參加朋友一個婚前聚會,於是我就直接番屋企準備囡囡既晚餐,老公接左囡囡番黎沖過涼就出發啦~~
而我就餵囡囡食粥仔,飲下水,洗個面,換埋條片就餵媽媽奶等佢瞓覺勒....今日未夠8點囡囡就瞓左啦~
一個人的晚餐決定煮意粉食,因為屋企包明太子醬汁老公都唔好,呢個時機最好就係煮左佢啦...煮多份留埋飯盒就perfect勒~
個醬汁味道唔錯,咁當然我一樣有做足功夫炒左個意粉做底先落醬啦....只係我覺得個醬多油左d就真,所以要隔下d油先上碟~加埋豬肉腸,真係非常飽呀~
*************************************************************
溫馨提示:
吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~
賣相很好啊~ ^0^ 真有心機~
回覆刪除小王子今晚9:45pm才睡著，我們才能吃飯，因為老公遲了回家~ 餓死我~
[版主回覆05/05/2009 23:30:00]其實都係砌靚少少,咁樣食得開心d架~
咁咪成10點先食晚飯,咁又好似太夜喎,似食宵夜多d,哈哈~一日半日都無所謂既,成日都係咁就唔係咁好啦...咁夜先食會好肥架~
你太有心機啦~ 換轉係我....溝其食飽個肚就算!!!
回覆刪除[版主回覆05/06/2009 00:02:00]哈哈,有時我都會是但食d野就算...不過今日想煮餐好d既黎食~
你真係好好心機好手藝，整得好靚呀！
回覆刪除[版主回覆05/06/2009 22:03:00]其實真係唔難整架~
自己一個人食個賣相都咁靚, 超佩服!!!
回覆刪除[版主回覆05/06/2009 22:04:00]砌靚d就得到你地個個咁讚法,梗係砌靚d啦,哈哈~
得我一個人食的話，我會求其填飽個肚就算（例如淥水餃）．．．妳碟意粉好靚
回覆刪除[版主回覆05/06/2009 22:05:00]其實我好多時都會是但煮野食架~
不過你宜家大肚,唔好咁求其啦~
好勁呀, 又湊囡又煮飯, 我就唔得呢
回覆刪除[版主回覆05/06/2009 22:05:00]都係囡囡瞓左我先煮到飯架咋~
我想問abby咁早訓，會幾點起身?
回覆刪除[版主回覆05/06/2009 22:12:00]如果8點瞓著,通常第二朝6點幾就醒(有時12點會叫下,我會俾佢瞓著食媽媽奶,食一陣就無野架啦)...如果放假10點先瞓,就會第朝8點左右先醒~
唔講以為係出街食呀! 個賣相好掂呀!
回覆刪除[版主回覆05/06/2009 22:13:00]哈哈,自己整平好多~
你地既晚餐次次都好正呀!!
回覆刪除p.s. 我想問你咪有比香蕉亞囡食既?? 你幾耐比一次亞囡食呀??
[版主回覆05/06/2009 22:16:00]我好耐無俾香蕉abby食啦...因為嬰園每日都有水果茸/果汁做下午茶,所以我無整啦~
abby 咁乖咁早訓... 佢係未好定時訓覺o架? 咁佢又會唔會好早起身o架?
回覆刪除[版主回覆05/06/2009 22:36:00]都算定時架....總之返學既日子通常8點左右就會瞓,除非我地帶左佢出街或者去99到佢就會瞓唔到....而放假佢又會精神d,所以會夜d先肯瞓~~
8點瞓通常第朝6點左右就醒lor...如果放假10幾先瞓就可以到第朝8點幾先醒~
平時是我們吃完他才睡，但那晚因為老公遲回家囉~ =P
回覆刪除[版主回覆05/07/2009 22:10:00]咁係咪同你地一齊食飯呀?
不是~ 他自己在7點前先吃完(奶奶或婆婆餵)，我們吃的時候，他又來吃一點，為食仔~ ^^
回覆刪除他出緊大牙，遲些出完的話，應該可以我地吃什麼，他吃什麼~~ ^^
[版主回覆05/08/2009 21:35:00]出緊大牙啦...如果可以一齊食就真係太好啦~