嘩,真係好耐都無入戲院睇戲啦,上一次應該係去睇Bedtime Stories,仲要個日係我地兩公婆都請左病假,病住咁去睇既,原來已經係1月既事黎啦~
因為我手上仲有2張MCL既禮卷,5月尾就到期啦...所以又係時候諗下用唔用到,唔係又要送俾阿媽阿爸用架啦~
終於吳爸爸呢個星期短週,就決定今日星期六送囡囡番嬰園,我地就去睇戲用左張贈卷啦~雖然用贈卷睇早場係好愚蠢既做法,因為早場價錢一向都有優惠,不過總好過用唔到張贈卷啦~
最近既MCL係德福,本來想睇翻生侏羅館2既,不過得TKO MCL上左,咁就改左睇Angels & Damons勒~
我覺得幾好睇喎,雖然有人話d密碼太簡單,不過我覺得ok呀,唔使搞到咁複雜既(不過我係無睇達文西密碼,所以無從比較)....套戲少不免提到天主教既野,我問身為教徒既吳爸爸有無覺得反感,佢話無因為片中提到既歷史係事實~
而並無任何宗教信仰既我亦無因為睇左呢套片而影響我對天主教既觀感,我還是一樣的尊重...講真,如果要我真的去信一個宗教,天主教會是我的首選~只是,我覺得自己還未去到那一步,就像片中Tom Hank被問到是否相信神時一樣,他的回答正正就是我的心聲,我對那一幕非常深刻~而最後那主教說的一番話大意是"宗教有缺點,因為人有缺點"也令我有點共鳴~
總之我好開心可以同老公去戲院睇番場戲....睇完又急急腳去接囡囡放學lu,短短的二人世界時間要好好珍惜....相信未來要去戲院睇戲都要咁樣安排先得勒~
本來朋友約我地上星期四晚睇架，不過老公話驚趕唔切，所以我推咗朋友。
回覆刪除[版主回覆05/17/2009 18:26:00]無所謂啦,你地幾時去睇都得,唔會好似我咁難安排~
we long time no 二人世界 lu
回覆刪除[版主回覆05/17/2009 18:26:00]係呀,真係少左好多二人世界時間呀...唯有耐唔耐安排一下啦~
二人世界很重要呢，剛剛的星期日，我們也是過了一個很愉快的二人世界啊~~ ^v^
回覆刪除[版主回覆05/18/2009 21:16:00]係呀,我都知好重要....不過無長輩幫手係難安排好多架~
我都n年無睇戲.. 阿b出左世更加唔駛睇..
回覆刪除上次睇戲坐到條腰好痛, 可能坐得太耐了...
[版主回覆05/18/2009 21:17:00]我生之前成日去睇戲架,因為知道生左有排無得睇,哈哈~
哈,咁你睇戲時大無心掛掛abby呢
回覆刪除[版主回覆05/18/2009 21:17:00]咁又無咩喎...不過睇完就開始有啦,哈哈~