私人內容只在限閱版
2009年第一餐住家飯,話晒都係頭炮,所以今餐煮得似樣少少啦,雖然都係無時間煲啖湯~放工去買餸見到是日特價有肥牛($14)同雞柳($8),再加多包金菇($6)就返屋企準備勒~
金菇肥牛粉絲煲:本來想整金菇肥牛卷,不過諗諗下都係比較多功夫,所以最後決定方便d整個粉絲煲,粉絲當然係廚房既物資啦~
洋蔥豆豉炒雞柳:只係醒起雪櫃仲有半個洋蔥,所以就決定就咁炒就算勒~
兩口子都好夠食,老公仲有添飯呢...而我亦留到飯盒,希望繼續加油,愈煮愈好啦~
你又要返工、又要揍女、又要煮飯，好辛苦呀![版主回覆01/06/2009 11:05:00]唯有同自己講,唔辛苦...唔辛苦...唔辛苦...唔辛苦...唔辛苦....哈哈哈~
自從返左呢份新工，我少煮左好多呀～～即使煮了，見太過簡單（例如煲臘味飯），都無post，我好懶，要學妳勤力o的先得！[版主回覆01/06/2009 11:06:00]睇黎新post工作好忙喎,我諗過左適應期應該好好多,可以煮番多d飯架啦~
你又要返工、又要揍女、又要煮飯，好辛苦呀!
回覆刪除[版主回覆01/06/2009 11:05:00]唯有同自己講,唔辛苦...唔辛苦...唔辛苦...唔辛苦...唔辛苦....哈哈哈~
自從返左呢份新工，我少煮左好多呀～～即使煮了，見太過簡單（例如煲臘味飯），都無post，我好懶，要學妳勤力o的先得！
回覆刪除[版主回覆01/06/2009 11:06:00]睇黎新post工作好忙喎,我諗過左適應期應該好好多,可以煮番多d飯架啦~